୪ ବର୍ଷ ଧରି ଫେରାର ଥିବା ଆତଙ୍କବାଦୀକୁ ଗିରଫ କଲା ଏନଆଇଏ
ନୂଆଦିଲ୍ଲୀ: ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ) ରବିବାର ନାର୍କୋ-ଆତଙ୍କବାଦୀ ନେଟଓ୍ବର୍କ ଉପରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରି ଗତ ୪ ବର୍ଷ ଧରି ଫେରାର ଥିବା ମୁଖ୍ୟ ଅଭିଯୁକ୍ତକୁ ଗିରଫ କରିଛି। ଏହି ଆତଙ୍କବାଦୀ ନାଁରେ ପୂର୍ବରୁ ଏନଆଇଏ ପୁରସ୍କାର ଘୋଷଣା କରିଥିଲା । ତା ନାଁ ହେଉଛି ସୟଦ ସଲିମ ଜାହାଙ୍ଗୀର ଆନ୍ଦ୍ରାବି ଓରଫ ସଲିମ ଆନ୍ଦ୍ରାବି ଓ ସେ ଜମ୍ମୁ-କଶ୍ମୀରର କୁପଓ୍ଵାରାର ବାସିନ୍ଦା । ଅଭିଯୁକ୍ତ ପାକିସ୍ତାନର ଆତଙ୍କବାଦୀ ସଂଗଠନ ଲସ୍କର-ଇ-ତୋଇବା ଓ ହିଜବୁଲ ମୁଜାହିଦ୍ଦିନ (ଏଚ୍ଏମ୍) ସହ ଜଡ଼ିତ। ସେ ଜୁନ୍ ୨୦୨୦ରୁ ଫେରାର ଥିଲା।
Sambad is now on WhatsApp
Join and get latest news updates delivered to you via WhatsApp
ନାର୍କୋ ( ନିଶା ଚାଲାଣକାରୀ)-ଆତଙ୍କବାଦୀ ମେଣ୍ଟକୁ ଶେଷ କରିବା ଏବଂ ସୀମାପାର ଆତଙ୍କବାଦୀ ସଂଗଠନଗୁଡ଼ିକର ଭାରତରେ ସୃଷ୍ଟି ହୋଇଥିବା ଇକୋସିଷ୍ଟମକୁ ଧ୍ବଂସ କରିବା ପାଇଁ ଏନଆଇଏ ଚଳାଇଥିବା ଅଭିଯାନରେ ଏହି ଆତଙ୍କବାଦୀକୁ ଗିରଫ କରିବା ଏକ ବଡ଼ ସଫଳତା ।
୨୦୨୦ ଜୁନ୍ ୨୬ତାରିଖରେ ଏନଆଇଏ ସ୍ଥାନୀୟ ପୁଲିସଠାରୁ ଏହି ମାମଲାର ତଦନ୍ତ ଦାୟିତ୍ୱ ନେଇଥିଲା। ଜମ୍ମୁ-କଶ୍ମୀର ଏବଂ ଭାରତର ଅନ୍ୟାନ୍ୟ ସ୍ଥାନରେ ନିଶା ଦ୍ରବ୍ୟ କ୍ରୟ ଓ କ୍ରୟ ପାଇଁ ପାଣ୍ଠି ସଂଗ୍ରହ ପାଇଁ ସଲିମ ଆନ୍ଦ୍ରାବି ଏକ ଗଭୀର ଷଡ଼ଯନ୍ତ୍ରର ଅଂଶ ବିଶେଷ ବୋଲି ଅନୁସନ୍ଧାନ ବେଳେ ଜଣାପଡ଼ିଥିଲା। ଆତଙ୍କବାଦୀ ସଂଗଠନ ଲସ୍କର-ଇ-ତୋଇବା ଓ ହିଜବୁଲ ମୁଜାହିଦ୍ଦିନର ଆତଙ୍କବାଦୀଙ୍କ ସହଯୋଗରେ ଡ୍ରଗ୍ସ ଚୋରା ଚାଲାଣକାରୀମାନେ ଏହି ଷଡ଼ଯନ୍ତ୍ର କରିଥିଲେ।
