ନୂଆଦିଲ୍ଲୀ: ଆମ୍ ଆଦମୀ ପାର୍ଟି(ଆପ୍ ) ଏବଂ ଅରବିନ୍ଦ କେଜ୍ରିୱାଲ ରାଜନୀତିରେ କୃତ୍ରିମ ଇଣ୍ଟେଲିଜେନ୍ସ(ଏଆଇ) ବ୍ୟବହାର କରୁଛନ୍ତି। ଆମ୍ବେଦକରଙ୍କ ଉପରେ ବିବାଦ ସମୟରେ, ଆପ୍ କେଜ୍ରିୱାଲଙ୍କୁ ଆଶୀର୍ବାଦ ଦେଉଥିବା ବିଆର ଆମ୍ବେଦକରଙ୍କ ଏକ ଏଆଇ ଭିଡିଓ ପ୍ରକାଶ କରିଥିଲା। ଏହା ପରେ ବିରୋଧୀ ସମର୍ଥକମାନେ ସମାନ ଭିଡିଓ ଏଡିଟ୍ କରି ଆଶୀର୍ବାଦକୁ ଏକ ଚାପୁଡ଼ାରେ ପରିଣତ କରିଥିଲେ। ଏବେ ସେହିଭଳି କିଛି ପୁନର୍ବାର ଘଟିବାକୁ ଯାଉଛି!
ବାସ୍ତବରେ, ଆମ୍ ଆଦମୀ ପାର୍ଟି ବୁଧବାର ସୋସିଆଲ ମିଡିଆରେ ବଡ଼ଦିନ ଅବସରରେ ଏକ ଏଆଇ ଭିଡିଓ ପୋଷ୍ଟ କରିଛି। ଏହି ଭିଡିଓରେ ଦିଲ୍ଲୀର ପୂର୍ବତନ ସିଏମ୍ ଏବଂ ଆମ୍ ଆଦମୀ ପାର୍ଟିର ଜାତୀୟ ସଂଯୋଜକ ଅରବିନ୍ଦ କେଜ୍ରିୱାଲ ସାଣ୍ଟା କ୍ଲଜ୍ଙ୍କର ପୋଷାକରେ ନଜର ଆସିଛନ୍ତି। ଏଥିରେ ଦିଲ୍ଲୀ ସରକାରଙ୍କ ଦ୍ୱାରା ପରିଚାଳିତ ଯୋଜନାଗୁଡ଼ିକୁ ଉପହାର ରୂପେ ପ୍ରଦର୍ଶିତ କରାଯାଉଛି।
ଭିଡିଓରେ ଅରବିନ୍ଦ କେଜ୍ରିୱାଲ ବଡ଼ଦିନରେ ସାଣ୍ଟା କ୍ଲଜ୍ ପୋଷାକରେ ଦିଲ୍ଲୀର ପିଲାମାନଙ୍କୁ ଶିକ୍ଷା, ମାସକୁ ୨୧୦୦ ଟଙ୍କା, ଡିଟିସି ବସ୍ରେ ମାଗଣା ଯାତ୍ରା, ନିକଟରେ ଆରମ୍ଭ ହୋଇଥିବା ସଞ୍ଜୀବନୀ ଯୋଜନା ଏବଂ ମାଗଣା ବିଦ୍ୟୁତ୍ ଉପହାର ପ୍ରଦାନ କରୁଥିବାର ଏହି ଭିଡିଓ ଦେଖିବାକୁ ମିଳୁଛି।
Delhi’s own Santa delivering gifts year-round ✨ #MerryChristmas pic.twitter.com/km2IOdAPoQ
— AAP (@AamAadmiParty) December 25, 2024
ଗତ ସପ୍ତାହରେ ମଧ୍ୟ ଆମ୍ ଆଦମୀ ପାର୍ଟି ସମାନ ଏଆଇ ଭିଡିଓ ସେୟାର କରିଥିଲା। ଭିଡିଓରେ ବାବା ସାହେବ ଭୀମରାଓ ଆମ୍ବେଦକର ଦିଲ୍ଲୀର ଇଣ୍ଡିଆ ଗେଟ୍ ନିକଟରେ ଅରବିନ୍ଦ କେଜ୍ରିୱାଲଙ୍କୁ ଆଶୀର୍ବାଦ କରୁଥିବା ନଜର ଆସିଥିଲେ। ଆମ୍ବେଦକରଙ୍କ ଉପରେ ଅମିତ ଶାହଙ୍କ ମନ୍ତବ୍ୟକୁ ନେଇ ଉତ୍ତେଜନା ଦେଖାଦେଇଥିବା ବେଳେ ଆମ୍ ଆଦମୀ ପାର୍ଟି ଦ୍ୱାରା ଏହି ଭିଡିଓ ପୋଷ୍ଟ କରାଯାଇଥିଲା।
ଅଧିକ ପଢ଼ନ୍ତୁ: ରୁଷିଆରେ ୟୁନିଫର୍ମ ସିଭିଲ୍ କୋଡ୍: ଏକାଧିକ ବିବାହକୁ ମନା
ଭିଡିଓ ପୋଷ୍ଟ ହେବାର ଅଳ୍ପ ସମୟ ପରେ ବିରୋଧୀ ସମର୍ଥକମାନେ ଏହାର ସମ୍ପାଦିତ ସଂସ୍କରଣ ସେୟାର କରିଥିଲେ। ଯେଉଁଥିରେ ବିଆର ଆମ୍ବେଦକର ଆଶୀର୍ବାଦ ଦେବା ପରିବର୍ତ୍ତେ କେଜ୍ରିୱାଲଙ୍କୁ ଚାପୁଡ଼ା ମାରୁଥିବାର ଦେଖିବାକୁ ମିଳିଥିଲା।
ଗୋଟିଏ ପଟେ ଏହି ଭିଡିଓଗୁଡ଼ିକ ସୃଜନଶୀଳତା ଏବଂ ପ୍ରଯୁକ୍ତିବିଦ୍ୟା ବିଷୟରେ ସକାରାତ୍ମକ ବାର୍ତ୍ତା ଦେଇଛି, ଅନ୍ୟପଟେ ଏକ ଭୟ ମଧ୍ୟ ସୃଷ୍ଟି କରିଛି। ଭୟ ହେଉଛି ଭବିଷ୍ୟତରେ ଏଆଇର ଅପବ୍ୟବହାର ହେବାକୁ ଯାଉଛି!
ଅଧିକ ପଢ଼ନ୍ତୁ: କିଏ ହେବେ ପାଳକମନ୍ତ୍ରୀ ?: ମହାୟୁତିରେ ମହାଯୁଦ୍ଧ ଜାରି
