ଫୁଲବାଣୀ: କନ୍ଧମାଳ ଜିଲା ଖଜୁରୀପଡ଼ା ଥାନା ଅନ୍ତର୍ଗତ ମୁସ୍କୁଲି ଗ୍ରାମ ନିକଟ ଏକ ଗଛରେ ଜଣେ ଯୁବତୀର ମୃତଦେହ ଝୁଲୁଥିବା ଦେଖି ଅଞ୍ଚଳବାସି ପୁଲିସ କୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୁଲିସ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଥିଲା ।
ପ୍ରାଥମିକ ତଦନ୍ତ ରୁ ଜଣା ପଡିଲା ଯେ ମୃତ ଯୁବତୀ ଜଣକ ହେଲେ ଲାଇନପଡା ନିକଟସ୍ତ କମ୍ବାଗୁଡ଼ା (ଖୁଣ୍ଟ ତେନ୍ତୁଳି ) ଗ୍ରାମର ଦେବରାଜ ଦିଗାଲଙ୍କ ଝିଅ ଦେବସ୍ମିତା ଦିଗାଲ। ଦେବସ୍ମିତାକୁ ହତ୍ୟା କରାଯାଇଥିବା ନେଇ ଭାଇ ଦେବାଶିଷ ଦିଗାଲ ଥାନାରେ ଏତଲା ଦେଇଛି। ଏ ନେଇ ଖଜୁରୀପଡ଼ା ଥାନାରେ ୧୮ /୨୪ ଅପମୃତ୍ୟୁ ମାମଲା ରୁଜୁ କରାଯାଇଛି । ଏ ନେଇ ଖଜୁରୀପଡ଼ା ଥାନା ଅଧିକାରୀ ଚାପଧାରୀ ପ୍ରଧାନ କହିଛନ୍ତି ଯେ ଦେବସ୍ମିତା ସଦର ଥାନା ଅନ୍ତର୍ଗତ ବିଶିପଡ଼ା ଗ୍ରାମର ଏକ ଜୈନେକ ଯୁବକକୁ ବିବାହ କରିଥିଲେ। ତାଙ୍କର ଦୁଇ ପୁଅ ଅଛନ୍ତି। କୌଣସି କାରଣ ବଶତଃ ପାରିବାରିକ କଳହ ଯୋଗୁଁ ବିବାହ ସମ୍ପର୍କ ବିଚ୍ଛିନ୍ନ ହୋଇଥିଲା। ତେବେ ଶବ ବ୍ୟବଚ୍ଛେଦ ରିପୋର୍ଟ ଆସିଲା ପରେ ଘଟଣାର ସତ୍ୟତା ଜଣା ପଡ଼ିବ ବୋଲି କହିଛନ୍ତି।
