ମାତ୍ର ୧୧୩ ଟଙ୍କା ମିଳୁଥିଲା ୧୧.୬୬ ଗ୍ରାମ ସୁନା

ନୂଆଦିଲ୍ଲୀ : ବିବାହ, ବ୍ରତ ବା ପାର୍ବଣ ଋତୁରେ ସୁନା କ୍ରୟ କରାଯାଏ । କିଛି ଲୋକ ସୁନା କିଣିବାକୁ ଅଧିକ ଭଲପାଆନ୍ତି । ଏବଂ ବିନା କୌଣସି ପାର୍ବଣ ସମୟରେ ମଧ୍ୟ ସୁନା କ୍ରୟ କରିଥାନ୍ତି । ସୁନାର ଦାମ୍ ବଢିବା ସତ୍ତ୍ବେ ଲୋକେ ଅଧିକ କ୍ରୟ କରୁଛନ୍ତି ।  ତେବେ ଯଦି କିଏ ଆପଣଙ୍କୁ କହିବ ଦିନେ ମାତ୍ର ୧୧୩ ଟଙ୍କାରେ ୧୧.୬୬ ଗ୍ରାମ ସୁନା ମିଳୁଥିଲା ହୁଏତ ଆପଣ ବିଶ୍ବାସ କରିବେନି ।

ସାମାଜିକ ଗଣମାଧ୍ୟମ ପ୍ଲାଟଫର୍ମରେ ଏବେ ଏକ ପୁରୁଣା ବିଲ୍ ଭାଇରାଲ ହେଉଛି ଯେଉଁଥିରେ ୧୧.୬୬ ଗ୍ରାମ ସୁନା ଦାମ୍ ମାତ୍ର ୧୧୩ ଟଙ୍କା ବୋଲି ଦର୍ଶାଯାଇଛି । ଏହା ୧୯୫୯ ମସିହାର ବୋଲି ଦର୍ଶାଯାଇଛି, ଯେବେ ୧୧.୬୬ ଗ୍ରାମ ସୁନା ମାତ୍ର ୧୧୩ ଟଙ୍କା ଥିଲା । ପୋଷ୍ଟରେ ଏତିକି ସୁନାର ଦାମ୍ ବର୍ତ୍ତମାନ ୭୦ରୁ ୭୫ ହଜାର ଟଙ୍କା ହୋଇଗଲାଣି ବୋଲି ଦର୍ଶାଯାଇଛି । ଏହି ଫଟୋଟି ଏବେ ଇନଷ୍ଟାଗ୍ରାମରେ ଭାଇରାଲ ହେଉଛି । ଅନେକ ଲୋକ ଏହି ପୁରୁଣା ଦାମ୍ ଦେଖି ଚକିତ ହେଉଛନ୍ତି ।  ପୋଷ୍ଟରେ ଏପର୍ଯ୍ୟନ୍ତ ୭୦ ହଜାରରୁ ଅଧିକ ଲାଇକ୍ ମିଳିସାରିଛି ।