Thursday, January 9, 2025
Thursday, January 9, 2025
Home କ୍ରୀଡ଼ା ମହିଳା କ୍ରିକେଟ: ୱେଷ୍ଟଇଣ୍ଡିଜ୍ ବିପକ୍ଷ ଦ୍ଵିତୀୟ ଦିନିକିଆରେ ୧୧୫ ରନରେ ସିରିଜ୍ ଜିତିଲା ଭାରତ

ମହିଳା କ୍ରିକେଟ: ୱେଷ୍ଟଇଣ୍ଡିଜ୍ ବିପକ୍ଷ ଦ୍ଵିତୀୟ ଦିନିକିଆରେ ୧୧୫ ରନରେ ସିରିଜ୍ ଜିତିଲା ଭାରତ

by
0 comment

ଡେସ୍କ: ମହିଳା କ୍ରିକେଟରେ ଭାରତ ମଙ୍ଗଳବାର ସନ୍ଧ୍ୟାରେ ଭଦୋଦରାର କୋଟାମ୍ବି ଷ୍ଟାଡିୟମରେ ଖେଳାଯାଇଥିବା ଦ୍ୱିତୀୟ ଦିନିକିଆରେ ୱେଷ୍ଟଇଣ୍ଡିଜକୁ ୧୧୫ ରନରେ ପରାସ୍ତ କରି ୩ ମ୍ୟାଚ୍ ବିଶିଷ୍ଟ ଆଇସିସି ଚାମ୍ପିୟନଶିପ୍ ସିରିଜକୁ ୨-୦ରେ ଜିତି ନେଇଛି।

ଭାରତ ଦେଇଥିବା ୩୫୯ ରନର ବିଶାଳ ଟାର୍ଗେଟକୁ ପିଛା କରି ୱେଷ୍ଟଇଣ୍ଡିଜ୍ ୪୬.୨ ଓଭରରେ ୨୪୩ ରନ୍ କରି ଅଲଆଉଟ୍ ହୋଇଯାଇଥିଲା। ଭାରତ ପକ୍ଷରୁ ପ୍ରିୟା ମିଶ୍ର ୩ଟି ଓ୍ଵିକେଟ୍ ନେଇଥିବା ବେଳେ ଦୀପ୍ତି ଶର୍ମା, ପ୍ରତୀକ ରାଓ୍ଵଲ ଓ ତିତାସ ସାଧୁ ୨ଟି ଲେଖାଏଁ ଓ୍ଵିକେଟ୍ ନେଇଥିଲେ। ୱେଷ୍ଟଇଣ୍ଡିଜ୍ ଅଧିନାୟକ ହେଲି ମାଥ୍ୟୁଜ୍ ୧୦୯ ବଲରୁ ୧୦୬ ରନ୍ ସ୍କୋର କରିଥିଲେ।

ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିବା ଭାରତ ନିର୍ଦ୍ଧାରିତ ୫୦ ଓଭରରେ ୫ ଓ୍ଵିକେଟ୍ ହରାଇ ୩୫୮ ରନ୍ କରିଥିଲା। ହରଲିନ ଦେଓଲ ୧୦୩ ବଲରେ ୧୧୫ ରନ୍ ସ୍କୋର କରିଥିଲେ। ସ୍ମୃତି ମନ୍ଧାନା, ପାର୍ଟିକା ରାଓ୍ଵଲ ଓ ଜେମିମା ରୋଡ୍ରିଗେଜ୍ ଅର୍ଦ୍ଧଶତକ ହାସଲ କରିଥିଲେ।

ପୂର୍ବରୁ ରବିବାର ଖେଳାଯାଇଥିବା ପ୍ରଥମ ଦିନିକିଆରେ ଭାରତ ୨୧୧ ରନରେ ୱେଷ୍ଟଇଣ୍ଡିଜକୁ ପରାସ୍ତ କରିଥିବା ବେଳେ ତୃତୀୟ ଦିନିକିଆ ଚଳିତ ମାସ ୨୭ ତାରିଖରେ ଖେଳାଯିବ।

You may also like

Leave a Comment

About Us

Welcome to janashakti.news/od, your trusted source for breaking news, insightful analysis, and captivating stories from around the globe. Whether you’re seeking updates on politics, technology, sports, entertainment, or beyond, we deliver timely and reliable coverage to keep you informed and engaged.

@2024 – All Right Reserved – janashakti.news/od