ମଧ୍ୟାହ୍ନ ଭୋଜନ ପାଇଁ ୫ ମିନିଟ ଯଥେଷ୍ଟ, ଲଗାତାର ୮ ଘଣ୍ଟା ଶ୍ରେଣୀରେ ବସିବେ କଲେଜ ଛାତ୍ରଛାତ୍ରୀ
ନୂଆଦିଲ୍ଲୀ: ଦିଲ୍ଲୀ ସ୍କିଲ୍ସ ଆଣ୍ଡ ଏଣ୍ଟରପ୍ରାଇଜର୍ସିପ୍ ୟୁନିଭରସିଟି (DSEU) ଛାତ୍ରମାନଙ୍କ ସମୟ ସୂଚୀରୁ ମଧ୍ୟାହ୍ନ ଭୋଜନ ବିରତିକୁ ହଟାଇ ଦିଆଯାଇଛି | ଏଣିକି ଲଗାତାର ଆଠ ଘଣ୍ଟା କ୍ଲାସ୍ ଚଳାଇବାର ଏକ ନୂତନ ନିୟମ ଲାଗୁ କରାଯାଇଛି | ବିଶ୍ୱବିଦ୍ୟାଳୟର ଏହି ପଦକ୍ଷେପ ଯୋଗୁଁ ଛାତ୍ରମାନଙ୍କ ମଧ୍ୟରେ ଅସନ୍ତୋଷ ବଢିଛି | ସମ୍ପ୍ରତି ବିଜ୍ଞପ୍ତିରେ ବିଶ୍ୱବିଦ୍ୟାଳୟ ଅଧଘଣ୍ଟା ମଧ୍ୟାହ୍ନ ଭୋଜନ ବିରତି (ଦିନ ୧୨:୩୦ ରୁ ୧ଟା) ଛାତ୍ରଛାତ୍ରୀଙ୍କ ସମୟ ସୂଚୀରୁ ହଟାଇ ଦେଇଛି। ବିଶ୍ୱବିଦ୍ୟାଳୟର ଅଧିକାରୀଙ୍କ କହିବାନୁସାରେ, ଛାତ୍ରମାନେ ବଡ ହୋଇଗଲେଣି ଆଉ ମଧ୍ୟାହ୍ନ ଭୋଜନ ପାଇଁ ପାଞ୍ଚ ମିନିଟ୍ ନେବା ଯଥେଷ୍ଟ | ଏହି ପଦକ୍ଷେପକୁ ନେଇ ଛାତ୍ରମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି | ଜଣେ ଛାତ୍ର କହିଛନ୍ତି, “ପୂର୍ବରୁ ଆମେ ଦିନ ୧୨:୩୦ ରୁ ୧ଟା ପର୍ଯ୍ୟନ୍ତ ମଧ୍ୟାହ୍ନ ଭୋଜନ ବିରତି ପାଉଥିଲୁ |
Sambad is now on WhatsApp
Join and get latest news updates delivered to you via WhatsApp
ତେବେ, ବିଶ୍ୱବିଦ୍ୟାଳୟ ଏହାକୁ ହଟାଇ ଦେଇଛି ଏବଂ କୌଣସି ବିରତି ସମୟ ନ ଦେଇ ସକାଳ ୯ ଟାରୁ ୫ ଟା ପର୍ଯ୍ୟନ୍ତ କ୍ଲାସ ଚାଲିବ ବୋଲି କୁହାଯାଇଛି | ଏନେଇ ଦିଲ୍ଲୀ ସ୍କିଲ୍ସ ଆଣ୍ଡ ଏଣ୍ଟରପ୍ରାଇଜର୍ସିପ୍ ୟୁନିଭରସିଟି ନିର୍ଦ୍ଦେଶକ କାମନା ସଚଦେବ କହିଛନ୍ତି ଯେ ଶିକ୍ଷକମାନଙ୍କୁ ସେମାନଙ୍କ କ୍ଲାସର ପାଞ୍ଚ ମିନିଟ୍ ପୂର୍ବରୁ ଛାତ୍ରମାନଙ୍କୁ ମୁକ୍ତ କରିବାକୁ କୁହାଯାଇଛି ଯାହା ଦ୍ୱାରା ପରବର୍ତ୍ତୀ ଶ୍ରେଣୀ ପୂର୍ବରୁ ମଧ୍ୟାହ୍ନ ଭୋଜନ ଶେଷ କରିପାରିବେ। ସଚଦେବ କହିଛନ୍ତି, “କାର୍ଯ୍ୟସୂଚୀରେ ଅଧ ଘଣ୍ଟିଆ ମଧ୍ୟାହ୍ନ ଭୋଜନ ବିରତି ରଖିବାର କୌଣସି ଆବଶ୍ୟକତା ନାହିଁ।
