ମଙ୍ଗଳବାର ମୋଟେର ଛକ ବନ୍ଦ

ଭବାନୀପାଟଣା: ଇନ୍ଦ୍ରାବତୀର ମେଗା ଲିଫ୍ଟ କେନାଲରେ ଜଳଯୋଗାଣ ବନ୍ଦ ପ୍ରତିବାଦରେ ଆସନ୍ତାକାଲି ଅର୍ଥାତ ମଙ୍ଗଳବାର ସକାଳେ ମୋଟେର ଛକରେ ରାସ୍ତାରୋକ କରାଯିବ। କୋକସରା କୃଷକ ସଚେତନ ମଞ୍ଚ ଦ୍ବାରା ଆହୂତ ଏହି ବନ୍ଦ ଡାକରା ଫଳରେ ମୋଟେର ଛକ ସକାଳ ୬ଟାରୁ ଅପରାହ୍ନ ୫ଟା ଯାଏଁ ବନ୍ଦ ରହିବ। ଫଳରେ ୨୬ ନମ୍ୱର ଜାତୀୟ ରାଜପଥର ବଲାଙ୍ଗୀରରୁ ବୋରିଗୁମ୍ମା ଏବଂ ଭବାନୀପାଟଣାରୁ ଜୟପାଟଣା, ମୁଖିଗୁଡ଼ା ଯାଏଁ ଯାତାୟତ ବାଧାପ୍ରାପ୍ତ ହେବ। ଉଲ୍ଲେଖଯୋଗ୍ୟ, ଗତବର୍ଷ ତୁଳନାରେ ଚଳିତବର୍ଷ ଇନ୍ଦ୍ରାବତୀ ଜଳଭଣ୍ଡାରରେ କମ୍ ପାଣି ଥିବାରୁ ଚଳିତ ରବି ଋତୁରେ ଇନ୍ଦ୍ରାବତୀ ପ୍ରକଳ୍ପ ମେଗା ଲିଫ୍ଟ କେନାଲରେ ରବି ଚାଷରେ ଜଳଯୋଗାଣ କରା ନ ଯିବାକୁ ବିଭାଗ ଯୋଜନା କରିଛି। ହେଲେ ଏହାର ପ୍ରତିବାଦରେ ଚାଷୀମାନେ ରାସ୍ତାରୋକ କରୁଛନ୍ତି।