ବୈବାହିକ ବଳାତ୍କାରର ଅପରାଧୀକରଣକୁ ବିରୋଧ କଲେ କେନ୍ଦ୍ର ସରକାର

ନୂଆଦିଲ୍ଲୀ,୩।୧୦: ସୁପ୍ରିମକୋର୍ଟରେ ବୈବାହିକ ବଳାତ୍କାରକୁ ଅପରାଧୀକରଣ କରିବାକୁ ବିରୋଧ କରିଛନ୍ତି କେନ୍ଦ୍ର ସରକାର। ଅନ୍ୟାନ୍ୟ “ଉପଯୁକ୍ତ ପରିକଳ୍ପିତ ଦଣ୍ଡବିଧାନ ବ୍ୟବସ୍ଥା” ଥିବାରୁ ବୈବାହିକ ବଳାତ୍କାରକୁ ଅପରାଧୀକରଣ କରିବାର କୌଣସି ଆବଶ୍ୟକତା ନାହିଁ ବୋଲି କେନ୍ଦ୍ର ସୁପ୍ରିମକୋର୍ଟଙ୍କୁ କହିଛନ୍ତି।

କେନ୍ଦ୍ର କହିଛି ଯେ ବୈବାହିକ ବଳାତ୍କାର ପ୍ରସଙ୍ଗ ଆଇନଗତ ଅପେକ୍ଷା ଅଧିକ ସାମାଜିକ ପ୍ରସଙ୍ଗ, କାରଣ ଏହା ସମାଜ ଉପରେ ସିଧାସଳଖ ପ୍ରଭାବ ପକାଇବ। ତେଣୁ ସମସ୍ତ ହିତାଧିକାରୀଙ୍କ ସହ ଉପଯୁକ୍ତ ପରାମର୍ଶ ବିନା କିମ୍ବା ସମସ୍ତ ରାଜ୍ୟର ମତକୁ ବିଚାରକୁ ନ ନେଇ ଏହି ପ୍ରସଙ୍ଗ ବିଷୟରେ ନିଷ୍ପତି ହୋଇପାରିବ ନାହିଁ ବୋଲି କେନ୍ଦ୍ର କହିଛି।