ଥୁଆମୂଳ ରାମପୁର,୧୬।୧୨(ଦୁର୍ଗା କୀର୍ତ୍ତି):କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ଅନୁସୂଚିତ ଜାତି ଓ ଅନୁସୂଚିତ ଜନଜାତି ଉନ୍ନୟନ ବିଭାଗ ଓଡ଼ିଶା ସରକାର ଦ୍ବାରା ପରିଚାଳିତ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଗୁଣପୁର ଠାରେ ବାର୍ଷିକ କ୍ରୀଡା ପ୍ରତିଯୋଗିତା ସୋମବାର ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷକ ତ୍ରୈଲୋକନାଥ ବିଶ୍ୱଇଙ୍କ ଅଧକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମର ଖେଳ ଶିକ୍ଷକ ଅହିବର ନାଏକ ସମସ୍ତ ଖେଳ ପ୍ରତିଯୋଗିତାର ଦାୟିତ୍ୱ ତୁଲାଇ ପରିଚାଳନା କରିଥିବା ବେଳେ, ବିଜ୍ଞାନ ଶିକ୍ଷକ ପ୍ରମୋଦ ଚନ୍ଦ୍ର ଛତ୍ରିଆ, ସହଶିକ୍ଷକ ଭଗବାନ ସାହୁ, ସହ ଶିକ୍ଷୟିତ୍ରୀ ବିଷ୍ଣୁ ମୋନା, ହେମାଙ୍ଗିନି ଖିତି, ସୁରେନ୍ଦ୍ର କୁମାର ଶବର, ସାଗର ବିଦ୍ୟା ଶ୍ରୀନିବାସ, ମହିଦ୍ର ଶିଖା, ମେଟ୍ରୋନ ସୂର୍ୟ କାନ୍ତି ବାଗ, ଓ ଅନ୍ୟାନ୍ୟ ସିଶିଏ ଏବଂ ସମସ୍ତ ଶିକ୍ଷୟିତ୍ରୀ ଶିକ୍ଷକ ଉପସ୍ଥିତ ରହି ସହଯୋଗ କରିଥିଲେ। ଦୁଇ ଦିନ ଧରି ଅନୁଷ୍ଠିତ ହେଉଥିବା ଏହି କ୍ରୀଡା ଉତ୍ସବର ପ୍ରଥମ ଦିବସରେ ସାଇସୁରୁଣୀ ଗ୍ରାମର ମାଁ ଠାକୁରାଣୀ ଗୁଡ଼ି ଠାରେ ପୂଜାର୍ଚ୍ଚନା ପୂର୍ବକ ଏକ ମଶାଲ ଶୋଭା ଯାତ୍ରା ବାହାରି ବିଦ୍ୟାଳୟକୁ ପହଞ୍ଚିଥିଲା ପରେ କ୍ରୀଡା ପତାକା ଉତ୍ତୋଳନ ପରେ ପରେ କ୍ରୀଡା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏଥିରେ ବିଭିନ୍ନ ଖେଳ ପ୍ରତିଯୋଗିତାମାନ ଅନୁଷ୍ଠିତ ହୋଇଥିଲା ଯାହାକି ଛାତ୍ର ଏବଂ ଛାତ୍ରୀଙ୍କ ସିନିୟର୍ ଜୁନିୟର ଦୌଡ଼ ପ୍ରତିଯୋଗିତା, ଡିଷ୍କସ, ସଟଫୁଟ, ମ୍ୟୁଜିକ ଚେୟାର, ଗଣିତ ପ୍ରତିଯୋଗିତା, ଅଖା ଦୌଡ଼, ଦୌଡ଼ି ଡ଼ିଆଁ, ଭଳି ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଏଠାରେ ଯେଉଁ ଛାତ୍ର ଛାତ୍ରୀ ମାନେ ପ୍ରଥମ, ଦ୍ୱିତୀୟ ଏବଂ ତୃତୀୟ ସ୍ଥାନ ଅଧିକାରୀ କରି ବିଜୟ ହାସଲ କରିଛନ୍ତି ସେମାନଙ୍କୁ ଆଗାମୀ ବିଦ୍ୟାଳୟର ବାର୍ଷିକ ଉତ୍ସବରେ ପୁରସ୍କୃତ କରାଯିବ ବୋଲି ପ୍ରଧାନ ଶିକ୍ଷକ ପ୍ରକାଶ କରିଥିଲେ l
