5
କଟକ: ଜବାହରଲାଲ ନେହରୁ ଇନଡୋର ଷ୍ଟାଡ଼ିୟମରେ ଚାଲିଥିବା ବିଡବ୍ଲ୍ୟୁଏଫ୍ ସୁପର-୧୦୦ ଅନ୍ତର୍ଜାତିକ ଓଡ଼ିଶା ମାଷ୍ଟର୍ସ ବ୍ୟାଡ଼ିମଣ୍ଟନ ଟୁର୍ଣ୍ଣାମେଣ୍ଟର ତୃତୀୟ ସଂସ୍କରଣର ମହିଳା ଏକକ ବର୍ଗ ସେମିଫାଇନାଲରେ ତନ୍ଭି ଶର୍ମା, ଶ୍ରୀୟାସିନି ଭାଲଥାଟି ପ୍ରବେଶ କରିଛନ୍ତି। ଶୁକ୍ରବାର ମହିଳା ଏକକ କ୍ବାର୍ଟର ଫାଇନାଲରେ ତନ୍ଭି ଶର୍ମା ୨୫-୨୩ ଓ ୨୧-୧୬ରେ ଅନମୋଲ ଖାରବଙ୍କୁପରାସ୍ତ କରି ସେମିଫାଇନାଲରେ ପହଞ୍ଚିଛନ୍ତି।
ପୁରୁଷ ଏକକ କ୍ବାର୍ଟର ଫାଇନାଲରେ ଭାରତର ଋତିକ୍ ସଞ୍ଜୀବ ସତୀଶ କୁମାର ୪-୨୧, ୨୧-୧୯ ଓ ୨୧-୧୩ରେ ଚୀନର ହୁ ଜି ୟାନଙ୍କୁ ପରାସ୍ତ କରି ସେମିଫାଇନାଲରେ ପହଞ୍ଚିଛନ୍ତି। ମହିଳା ଯୁଗଳ କ୍ବାର୍ଟର ଫାଇନାଲରେ ଅଶ୍ବିନ କେ ଭଟ୍ଟ-ଶିଖା ଗୌତମ ଯୋଡ଼ି ୨୧-୧୯ ଓ ୨୧-୧୯ରେ ନିଜ ଦେଶର କାଭିପ୍ରିୟା ସାଲଭାମ-ସିମ୍ରନ ସିଂହ ଯୋଡ଼ିଙ୍କୁ , ଗାୟତ୍ରୀ ରାୱତ-ମନ୍ସା ରାୱତ ଯୋଡ଼ି ୨୧-୧୬,୧୫-୨୧ ଓ ୨୧-୧୧ରେ କନିକା କନ୍ୱାଲ-ଭାରତୀ ପାଲ ଯୋଡ଼ିଙ୍କୁ ପରାସ୍ତ କରି ସେମିଫାଇନାଲରେ ପହଞ୍ଚିଛନ୍ତି।
