86
ବିଜେପିରେ ଯୋଗଦେଲେ କଂଗ୍ରେସ ଅନୁସୂଚିତ ଜାତି ସେଲ ସଭାପତି ଅନୁପ ତରିଆ
ସମ୍ବଲପୁର: ସମ୍ବଲପୁର ଜିଲା କଂଗ୍ରେସ କମିଟିର ଅନୂସୂଚିତ ଜାତି (ଏସସି) ସେଲ ସଭାପତି ତଥା ଯୁବ ନେତା ଅନୁପ ତରିଆ ବିଜେପିରେ ଯୋଗ ଦେଇଛନ୍ତି। ରବିବାର ରାଜ୍ୟ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ସମ୍ବଲପୁର ଗସ୍ତରେ ଆସି ରୋଡ୍ ଶୋ’ରେ ସାମିଲ ହେବା ପରେ ଜେଲ ଖାନା ଛକଠାରେ ବୀର ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ। ଏହି ଅବସରରେ ଆୟୋଜିତ ଏକ ମିଶ୍ରଣ ପର୍ବରେ ଅନୁପ ତରିଆ ଓ ତାଙ୍କର ସାଥି ନରେଶ ମିଶ୍ର, ଅମିତ ଶର୍ମା, ସୌରଭ ପୋଦ୍ଦାରଙ୍କ ସହିତ ଶତାଧିକ ସମର୍ଥକଙ୍କ ସହିତ ଆନୁଷ୍ଠାନିକ ଭାବରେ ବିଜେପିରେ ସାମିଲ ହୋଇଛନ୍ତି। ମନ୍ତ୍ରୀ ପୂଜାରୀ ପୁଷ୍ପଗୁଚ୍ଛ ଦେଇ ତରିଆ ଓ ସାଥୀମାନଙ୍କୁ ଦଳରେ ସ୍ୱାଗତ କରିବା ସହିତ ଦଳ ଆଗାମୀ ଦିନରେ ଆହୁରୀ ସଶକ୍ତ ହେବ ବୋଲି କହିଥିଲେ।
