414
କଲ୍ୟାଣସିଂହପୁର: ରାୟଗଡା ଜିଲା କୋଲନରା ବ୍ଲକ କାର୍ଲାକଣା ନିକଟରେ ଭାରସାମ୍ୟ ହରାଇ ବାଇକରୁ ପଡି ନିର୍ବାଚନ ଅଧିକାରୀ ଜନାର୍ଦ୍ଦନ ପଟ୍ଟନାୟକ (୫୮) ଗୁରୁତର ହୋଇଥିବା ଜଣାପଡିଛି । ସାଧାରଣ ନିର୍ବାଚନରେ ୫ମ ନିର୍ବାଚନ ଅଧିକାରୀ ଭାବରେ ଗୁଣୁପୁର ଯାଇ ନିଜ ଘରକୁ ଆଜି ସକାଳୁ ଫେରୁଥିବା ବେଳେ କାର୍ଲାକଣା ନିକଟରେ ଭାରସାମ୍ୟ ହରାଇ ଏକ ଗଛକୁ ଧକ୍କା ଦେଇଥିଲେ ଏବଂ ଛିଟିକି ପଡ଼ିଥିଲେ।
ଘଟଣାସ୍ଥଳରେ ଗୁରୁତର ଭାବେ ଆହତ ହୋଇଥିବା ଶ୍ରୀ ପଟ୍ଟନାୟକଙ୍କୁ ସ୍ଥାନୀୟ ଲୋକେ ଉଦ୍ଧାର କରିଥିଲେ। ଏହାପରେ ତାଙ୍କୁ ଆମ୍ବୁଲାନ୍ସ ଯୋଗେ ଜିଲା ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ ଵ୍ରହ୍ମପୁର ଏମକେସିଜି ମେଡ଼ିକାଲକୁ ପଠାଇ ଦିଆଯାଇଛି। ସେ ବର୍ତ୍ତମାନ ବିଶାଖାପାଟଣା ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇ ଚିକିତ୍ସିତ ହେଉଥିବା ଜଣାପଡ଼ିଛି ।
