ନୂଆଦିଲ୍ଲୀ : ଏଚଏମଡି ଗ୍ଲୋବାଲ ନିକଟରେ ନୋକିଆ ୩୨୧୦(୨୦୨୪) ଆଣିବା ପରେ ଏବେ ଆଉ ୨ ନୂଆ ଫିଚର ଫୋନ୍ ଭାରତରେ ଲଞ୍ଚ୍ କରିଛି । ଏହି ଫୋନ୍ ନୋକିଆ ୨୩୫ ୪ଜି ଏବଂ ନୋକିଆ ୨୨୦ ୪ଜି । ଏଥିରୁ ଜଣାପଡୁଛି କି ନୋକିଆ କେବଳ ନୂଆ ସ୍ମାର୍ଟଫୋନ୍ ନୁହେଁ ବରଂ ଫିଚର ଫୋନ୍ ପ୍ରସ୍ତୁତ ଉପରେ ମଧ୍ୟ ଧ୍ୟାନ ଦେଉଛି । ଏହି ଫିଚର ଫୋନ୍ ପୁରୁଣା ସ୍ମୃତିକୁ ତାଜା କରୁଛି । ବହୁ ଆଗରୁ ଏହି ଫୋନର ଅନେକ କ୍ରେଜ୍ ଥିଲା ।
ନୋକିଆ ୨୩୫୪ଜି(୨୦୨୪)ରେ ୨.୮ ଇଞ୍ଚର ଡିସପ୍ଲେ ଏବଂ ୨ ମେଗାପିକ୍ସେଲର କ୍ୟାମେରା ରହିଛି । ଏହି ଫୋନରେ ୟୁନିସୋକ୍ ଟି୧୦୭ ପ୍ରୋସେସର ଏବଂ ନୋକିଆ ଏସ୩୦ପ୍ଲସର ଅପରେଟିଂ ସୁବିଧା ମିଳିବ । ଫୋନରେ ୬୪ ଏମବି ରାମ୍ ଏବଂ ୧୨୮ ଏମବିର ଷ୍ଟୋରେଜ୍ ରହିଛି ଯାହାକୁ ଆପଣ ମେମୋରୀ କାର୍ଡ ଲଗାଇ ୩୨ ଜିବି ପର୍ଯ୍ୟନ୍ତ ବଢାଇପାରିବେ । ଫୋନରେ ୧୪୫୦ ଏମଏଏଚ୍ ବ୍ୟାଟେରୀ ରହିଛି ଏବଂ ଥରେ ଚାର୍ଜ ହେଲେ ଏହା ପ୍ରାୟ ୯.୮ ଘଣ୍ଟା ପର୍ଯ୍ୟନ୍ତ ଚାଲିବ ।
ଫୋନରେ ଚାର୍ଜ ପାଇଁ ୟୁଏସବି ଟାଇପ୍ ସି ରହିଛି । ଫୋନରେ କିଛି ଇଣ୍ଟରନେଟ୍ ଆପ୍ସ ମଧ୍ୟ ସପୋର୍ଟ କରିବ । ଏଥିରେ ଆପଣ ନ୍ୟୁଜ୍, ପାଣିପାଗ ଅପଡେଟ୍ସ, ୟୁଟ୍ୟୁବ୍ ସର୍ଟ୍ସ ଦେଖିପାରିବେ । ଏଥିରେ ଡିଜିଟାଲ ପୈଠ ପାଇଁ ସ୍କାନ୍ ଏବଂ ପେ ୟୁପିଆଇ ପେମେଣ୍ଟ ଆପ୍ସ ଆସୁଛି । ଏହା ୟୁପିଆଇକୁ ସପୋର୍ଟ କରେ ଏବଂ ନ୍ୟାସନାଲ୍ ପେମେଣ୍ଟସ କର୍ପୋରେସନ ଅଫ୍ ଇଣ୍ଡିଆ ଦ୍ବାରା ସ୍ବୀକୃତ ଯାହା ଡିଜିଟାଲ ପୈଠକୁ ସହଜ କରିବ ।
