ନୂଆଦିଲ୍ଲୀ : ଆମେରିକା ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କ ବିଜୟ ପରେ ସାରା ବିଶ୍ବରେ ତାଙ୍କ ନୀତି ଓ ଆଦର୍ଶକୁ ନେଇ ଚର୍ଚ୍ଚା ଚାଲିଛି । ଏହା ମଧ୍ୟରେ ପାକିସ୍ତାନରୁ ଚକିତ କରିଦେବା ଭଳି ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେଉଛି । ଭିଡିଓରେ ଜଣେ ପାକିସ୍ତାନୀ ଯୁବତୀ ନିଜକୁ ଟ୍ରମ୍ପଙ୍କ ଝିଅ ବୋଲି ଦାବି କରୁଛନ୍ତି । ଭିଡିଓରେ ସେ ନିଜକୁ ମୁସଲିମ୍ ବୋଲି କହିବା ସହ ଟ୍ରମ୍ପଙ୍କ ନିଜ ଝିଅ ବୋଲି କହୁଛନ୍ତି । ଆଉ ଏଥିରେ କିଛି ସନ୍ଦେହ ନାହିଁ ବୋଲି ମଧ୍ୟ ସେ ଦାବି କରୁଛନ୍ତି ।
Does @realDonaldTrump know he has children in Pakistan who speak Urdu & English in Punjabi? pic.twitter.com/anhRKbiLGo
— Pakistan Untold (@pakistan_untold) November 6, 2024
ଭିଡିଓଟି ବାସ୍ତବରେ ୨୦୧୮ ମସିହାର, ଯାହାକୁ ପାକିସ୍ତାନୀ ଓ୍ବେବସାଇଟ୍ Siasat.pk ପ୍ରଥମ ଥର ପ୍ରକାଶିତ କରିଥିଲା । ସେହି ସମୟରେ ଏହି ଭିଡିଓ ସମସ୍ତଙ୍କ ଧ୍ୟାନ ଆକର୍ଷଣ କରିଥିଲା କିନ୍ତୁ ଏବେ ଟ୍ରମ୍ପଙ୍କ ବିଜୟ ପରେ ପୁଣି ଏହି ଭିଡିଓ ଭାଇରାଲ ହେଉଛି । ଭାରତ ଓ ପାକିସ୍ତାନ ଉଭୟ ଦେଶରେ ଏହି ଭିଡିଓ ଘୁରିବୁଲୁଛି ଏବଂ ସମସ୍ତେ ଏଥିରେ ମଜାଳିଆ ପ୍ରତିକ୍ରିୟା ରଖୁଛନ୍ତି ।
