ନକଲି ଚାବିରେ ନଖୋଲିଲେ ତାଲା ଭଙ୍ଗାଯିବ- ଜଷ୍ଟିସ୍‍ ବିଶ୍ୱନାଥ ରଥ

ପୁରୀ: ରତ୍ନଭଣ୍ଡାର କେବେ ଖୋଲିବ ତାକୁ ନେଇ କଳ୍ପନା ଜଳ୍ପନା ଲାଗି ରହିଛି । ଏନେଇ ଆଜି ବସିଥିବା ବୈଠକରେ ରତ୍ନଭଣ୍ଡାର ଖୋଲିବା ସମ୍ପର୍କୀତ ସମସ୍ତ ଦିଗକୁ ଅନୁଧ୍ୟାନ କରାଯିବା ସହ ନଥିପତ୍ର ଯାଞ୍ଚ କରାଯାଇଛି । ବୈଠକ ପରେ ପ୍ରତିକ୍ରିୟା ରଖି ଜଷ୍ଟିସ୍‍ ବିଶ୍ୱନାଥ ରଥ ବଡ ବୟାନ ଦେଇଛନ୍ତି । ସେ କହିଛନ୍ତି ଯେ ରତ୍ନଭଣ୍ଡାରର ନକଲି ଚବେି ଅଛି । ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଦ୍ୱାରା ଚାବି ଅଣାଯାଇ ଖୋଲାଯିବାକୁ ନିଷ୍ପତି ହୋଇଛି । ହେଲେ ଚାବି ବହୁ ପୁରୁଣା ହୋଇଥିବାରୁ ସେଥିରେ କାଳେ ନଖୋଲିବ ତେବେ ତାଲା ଭଙ୍ଗାଯିବ । ଏନେଇ ସରକାରଙ୍କ ଅବଗତ କରାଯିବା ପରେ ଯାହା ଏସଓପି ଜାରି ହେବ ସେନେଇ ନିଷ୍ପତି କାର୍ଯ୍ୟକାରୀ ହେବ । ଯଦି ନକଲି ଚାବିରେ ତାଲା ଖୋଲିଯାଏ ତେବେ ପ୍ରଥମ କାମ ହେବ ରତ୍ନଭଣ୍ଡାର ମରାମତି । ସେଠାରେ ଥିବା ମୂଲ୍ୟବାନ ଅଳଙ୍କାର ଗଣତି ମଣତି କରାଯିବ । ମରାମତି ପାଇଁ ଆବଶ୍ୟକ ପଡିଲେ ସୁନା ଅଳଙ୍କାରକୁ କିଭଳି ସୁରକ୍ଷିତ ସ୍ଥାନରେ ରଖାଯିବ ତାହା ବେଶ ଗୁରୁତ୍ୱପୂର୍ଣ୍ଣ । ଆସନ୍ତ ୯ ତାରିଖରେ ପୁଣି ବସିବ ପରବର୍ତ୍ତୀ ବୈଠକ ।