ନୂଆଦିଲ୍ଲୀ : ସୋସିଆଲ ମିଡିଆରେ ଏଭଳି ଅନେକ ଭିଡିଓ ଭାଇରାଲ୍ ହୋଇଥାଏ । ଯାହା ସଭିଁଙ୍କୁ ଆଶ୍ଚର୍ଯ୍ୟ ଚକିିତ କରିବା ସହ ସହଜରେ ବିଶ୍ୱାସ ହୋଇନଥାଏ । ନିକଟରେ ଭାଇରାଲ୍ ହେଉଥିବା ଏକ ଭିଡିଓ, ସଭିଁଙ୍କ ଧ୍ୟାନକୁ ଆକର୍ଷିତ କରିବା ସହ ଦ୍ରୁତ ଗତିରେ ମଧ୍ୟ ଭାଇରାଲ୍ ହେଉଛି । ଯାହାକୁ ଦେଖି ଅନେକ ଲୋକେ ଭିନ୍ନ ଭିନ୍ନ ପ୍ରତିକ୍ରିୟା ଦେବା ସହ କହିଛନ୍ତି ‘ରଖେ ହରି ତ ମାରେ କିଏ’ ।
Man Survives After bus Runs over him at Kattappana Bus Stand, Keralapic.twitter.com/xaqSHVhiug
— Ghar Ke Kalesh (@gharkekalesh) December 3, 2024
ଭିଡିଓରେ ଜଣେ ଯୁବକ ବସ୍ ଷ୍ଟାଣ୍ଡରେ ରଖାଯାଇଥିବା ଚେୟାର ଉପରେ ବସିଛନ୍ତି । ସେ ନିଜ ମୋବାଇଲ୍ ଫୋନ୍ ଦେଖୁଛନ୍ତି । ମାତ୍ର ସେହି ସମୟରେ ଏପରି କିଛି ଘଟିଲା ଯେ ଲୋକେ ଖୁବ୍ ଜୋରରେ ଚିତ୍କାର କଲେ । ଚେୟାରରେ ବସିଥିବା ଯୁବକଙ୍କ ଉପରେ ଏକ ବସ୍ ସମ୍ପୂର୍ଣ୍ଣ ଭାବେ ଚଢିଯାଉଛି । ଭାଇରାଲ୍ ହେଉଥିବା ଏହି ଭିଡିଓ କେରଳର ବୋଲି କୁହାଯାଉଛି ।
ମିଳିଥିବା ସୂଚନାନୁଯାୟୀ, କୁମିଲୀ ଗାଁର ବାସିନ୍ଦା ବିଷ୍ଣୁ ଡିସେମ୍ବର ୨ ତାରିଖ ସନ୍ଧ୍ୟାରେ ଇଡୁକ୍କୀ-କଟ୍ଟାପ୍ପନା ବସ୍ ଷ୍ଟାଣ୍ଡରେ ବସି ନିଜ ଫୋନ୍ ଦେଖୁଥିଲେ ।
ନୂଆବର୍ଷ ୨୦୨୫ରେ ବୃହସ୍ପତିଙ୍କ ଚଳନ : ଜାଣନ୍ତୁ କେଉଁ ରାଶି ଉପରେ ପଡିବ କି ପ୍ରଭାବ.. କାହାର ବଢିବ ଦରମା, ସଫଳତା..
ସେହି ସମୟରେ ହଠାତ୍ ଏକ ବସ୍ ଧିରେ ଧିରେ ଆଗକୁ ଆସିବା ସହ ଯୁବକଙ୍କ ଛାତି ଉପରେ ଚଢିଯାଉଛି। ଏହା ଦେଖି ଲୋକେ ଜୋରରେ ଚିତ୍କାର କରିବା ସହ ପାଟିତୁଣ୍ଡ କରିଥିଲେ । ଯୁବକଙ୍କୁ ରକ୍ଷା କରିବାକୁ ଉଦ୍ୟମ ଆରମ୍ଭ କରିଥିଲେ । ଯୁବକ ଜଣଙ୍କ ଗୁରୁତର ଆହତ ହୋଇନଥିବା ବେଳେ ସୌଭାଗ୍ୟବଶତଃ ବଡ ଅଘଟଣରୁ ରକ୍ଷା ପାଇଯାଇଛନ୍ତି ବୋଲି ଲୋକେ କହିଛନ୍ତି । ୨୫ ସେକେଣ୍ଡର ଏହି ଭିଡିଓକୁ ଲକ୍ଷ ଲକ୍ଷ ଲୋକେ ଦେଖିବା ସହ ଭିନ୍ନ ଭିନ୍ନ ମତ ଦେଇଛନ୍ତି ।
