ନୂଆଦିଲ୍ଲୀ: ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ. ଚନ୍ଦ୍ରବାବୁ ନାଇଡୁ ତିରୁମାଲା ଭେଙ୍କଟେଶ୍ୱର ସ୍ବାମୀ ମନ୍ଦିରର ପ୍ରସାଦ ଭାବରେ ନିର୍ମିତ ଲଡୁରେ ବ୍ୟବହୃତ ହେଉଥିବା ଉପାଦାନଗୁଡ଼ିକ ଉପରେ ପ୍ରଶ୍ନ ଉଠାଇଥିଲେ। ସେ ଦାବି କରିଥିଲେ ଯେ, ଲଡୁ ତିଆରି କରିବା ପାଇଁ ବ୍ୟବହୃତ ହେଉଥିବା ତେଲରେ ପଶୁ ଚର୍ବି ମିଶିଛି। ତାଙ୍କର ଏଭଳି ଦାବି ପରେ ଏବେ ସମଗ୍ର ଦେଶରେ ଉତ୍ତେଜନା ଦେଖାଦେଇଛି। ବର୍ତ୍ତମାନ ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରିର ଅଭିନେତା ପ୍ରକାଶ ରାଜ ମଧ୍ୟ ଏହି ପ୍ରସଙ୍ଗରେ ଉଦବେଗ ପ୍ରକାଶ କରିଛନ୍ତି ।
Dear @PawanKalyan …It has happened in a state where you are a DCM .. Please Investigate ..Find out the Culprits and take stringent action. Why are you spreading apprehensions and blowing up the issue Nationally … We have enough Communal tensions in the Country. (Thanks to your… https://t.co/SasAjeQV4l
— Prakash Raj (@prakashraaj) September 20, 2024
ପ୍ରକାଶ ରାଜ ଏକ୍ସରେ ଆନ୍ଧ୍ରପ୍ରଦେଶର ଉପମୁଖ୍ୟମନ୍ତ୍ରୀ ତଥା ଅଭିନେତା ପବନ କଲ୍ୟାଣଙ୍କ ଏକ ଟ୍ୱିଟକୁ ସେୟାର କରି ତାଙ୍କୁ ପ୍ରଶ୍ନ କରିଛନ୍ତି । ସେ ସରକାରରେ ଥିବାବେଳେ ଏଭଳି ଘଟଣା କିପରି ଘଟିଗଲା ବୋଲି ପ୍ରକାଶ ରାଜ୍ ତାଙ୍କୁ ପଚାରିଛନ୍ତି। ସେ ଲେଖିଛନ୍ତି- ‘ପ୍ରିୟ ପବନ କଲ୍ୟାଣ, ତୁମେ ଆନ୍ଧ୍ରପ୍ରଦେଶର ଉପମୁଖ୍ୟମନ୍ତ୍ରୀ ଥିବା ବେଳେ ଏପରି ଘଟଣା ଘଟିଛି। ଦୟାକରି ଯାଞ୍ଚ କର | ଦୋଷୀମାନଙ୍କୁ ଖୋଜ ଏବଂ କଠୋର କାର୍ଯ୍ୟାନୁଷ୍ଠାନ ଗ୍ରହଣ କର | ଜାତୀୟ ସ୍ତରରେ ଏହାକୁ ପ୍ରଚାର କାହିଁକି କରୁଛି। ଆମ ଦେଶରେ ସାମ୍ପ୍ରଦାୟିକ ହିଂସା କମ ଅଛି କି?(ଏଥିପାଇଁ କେନ୍ଦ୍ରରେ ଥିବା ତୁମ ସାଙ୍ଗମାନଙ୍କୁ ଧନ୍ୟବାଦ)।
