ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲା: ୬ଟି ଦାବି ରଖିଲେ ଦିଲ୍ଳୀ ଏମ୍ସର ଡାକ୍ତରମାନେ
ନୂଆଦିଲ୍ଲୀ: ଗତ ସପ୍ତାହରେ କୋଲକାତାର ଆରଜି କର ମେଡିକାଲ କଲେଜ ଏବଂ ହସ୍ପିଟାଲ୍ରେ ୩୧ ବର୍ଷ ବୟସ୍କା ମହିଳା ଟ୍ରେନି ଡାକ୍ତରଙ୍କ ଦୁଷ୍କର୍ମ ଓ ହତ୍ୟାକୁ ବିରୋଧ କରି ହଜାର ହଜାର ଡାକ୍ତର ଏବଂ ସ୍ନାତକୋତ୍ତର ଛାତ୍ର ସାରା ଦେଶରେ ଧର୍ମଘଟ କରିଥିଲେ।
ଏବେ ତାହାକୁ ନେଇ ଦିଲ୍ଲୀର ଏମ୍ସର ରେସିଡେଣ୍ଟ ଡାକ୍ତର ସଂଘ (ଆରଡିଏ) ର ସଦସ୍ୟମାନେ ୬ଟି ଦାବି ଉପସ୍ଥାପନ କରିଛନ୍ତି। ସେଗୁଡ଼ିକ ହେଉଛି ମାମଲାର ତଦନ୍ତ ଭାର ସିବିଆଇକୁ ହସ୍ତାନ୍ତର, ଅପରାଧୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ, ପୀଡିତାଙ୍କ ପରିବାରକୁ ପର୍ଯ୍ୟାପ୍ତ କ୍ଷତିପୂରଣ, ପ୍ରିନ୍ସିପାଲ ଓ ହସ୍ପିଟାଲ୍ର ସୁରକ୍ଷାକର୍ମୀଙ୍କୁ ନିଲମ୍ବିତ, ଡାକ୍ତରଖାନାରେ କେନ୍ଦ୍ରୀୟ ସୁରକ୍ଷା ଆଇନ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସରକାରଙ୍କ ତରଫରୁ ଲିଖିତ ନିଶ୍ଚିତତା, ଏବଂ ମୃତ ଟ୍ରେନି ଡାକ୍ତରଙ୍କ ନାମରେ ଅନୁଷ୍ଠାନରେ ଏକ କୋଠା କିମ୍ବା ଲାଇବ୍ରେରୀ ଘୋଷଣା।
Sambad is now on WhatsApp
Join and get latest news updates delivered to you via WhatsApp
ଆରଜି କର ମେଡିକାଲ କଲେଜ ଏବଂ ହସ୍ପିଟାଲର ଏକ ସେମିନାର ହଲରେ ଟ୍ରେନି ଡାକ୍ତରଙ୍କ ଦେହରେ ଆଘାତ ଲାଗିଥିବା ସହ ମୃତଦେହ ଦେଖିବାକୁ ମିଳିଥିଲା। ପରେ ଶବ ବ୍ୟବଚ୍ଛେଦ ରିପୋର୍ଟରୁ ଜଣାପଡିଛି ଯେ ହତ୍ୟା ପୂର୍ବରୁ ତାଙ୍କୁ ଦୁଷ୍କର୍ମ କରାଯାଇଥିଲା। ଏହି ଅଭିଯୋଗରେ ଅଭିଯୁକ୍ତଙ୍କୁ ଅଗଷ୍ଟ ୧୦ ତାରିଖରେ ଗିରଫ କରାଯାଇ ୧୪ ଦିନିଆ ପୁଲିସ୍ ହେପାଜତକୁ ପଠାଯାଇଛି।
ତେବେ ଏବେ ସୁଦ୍ଧା ତେବେ ମେଡିକାଲ୍ କଲେଜର ପ୍ରିନ୍ସିପାଲ୍ ତାଙ୍କର ଇସ୍ତଫା ଦେଇଥିବା ସୂଚନା ରହିଛି। ପୁଲିସ୍ ସୂତ୍ର ଅନୁଯାୟୀ, ଯେଉଁମାନଙ୍କୁ ପଚାରାଉଚରା କରାଯିବ ସେମାନେ ହେଉଛନ୍ତି ଜଣେ ଇଣ୍ଟର୍ଣ୍ଣ ଡାକ୍ତର, ଦୁଇଜଣ ଟ୍ରେନି ଡାକ୍ତର। ସେମାନେ ଛାତି ଚିକିତ୍ସା ବିଭାଗର ପ୍ରଥମ ବର୍ଷର ସ୍ନାତକୋତ୍ତର ଛାତ୍ର ଏବଂ ଗୃହରକ୍ଷୀ କର୍ମଚାରୀ ବୋଲି ଜଣାପଡ଼ିଛି।
