10
ନୂଆଦିଲ୍ଲୀ : ଦେଶର ପ୍ରସିଦ୍ଧ ବ୍ୟବସାୟୀ ମୁକେଶ ଅମ୍ବାନୀଙ୍କ କମ୍ପାନୀ ରିଲାଏନ୍ସ ଜିଓ ଏହି ଦୀପାବଳିରେ ଜିଓଭାରତ ୪ଜି ଫୋନର ଦାମ୍ ହ୍ରାସ କରିଛି । ୩୦ ପ୍ରତିଶତ ରିହାତି ଦେଇ କମ୍ପାନୀ ଗ୍ରାହକଙ୍କୁ ଦୀପାବଳି ଉପହାର ଦେଇଛି । ଅର୍ଥାତ୍ ଗ୍ରାହକ ୯୯୯ ଟଙ୍କା ବଦଳରେ ମାତ୍ର ୬୯୯ ଟଙ୍କା ଦେଇ ଏହି ୪ଜି ଫୋନକୁ କିଣିପାରିବେ । ଜିଓଭାରତ ଫୋନକୁ ୧୨୩ ଟଙ୍କାରେ ରିଚାର୍ଜ କରିପାରିବେ ଉପଭୋକ୍ତା । ଏଥିରେ ମାସିକ ଅନଲିମିଟେଡ୍ ଭଏସ୍ କଲ୍ ଓ ୧୪ ଜିବି ଡାଟା ମଧ୍ୟ ମିଳିବ ।
୧୨୩ ଟଙ୍କା ବିଶିଷ୍ଟ ଜିଓର ମାସିକ ରିଚାର୍ଜ ପ୍ଲାନ୍ ଏୟାରଟେଲ୍ ଏବଂ ଭୋଡାଫୋନ୍ ତୁଳନାରେ ବହୁତ ଶସ୍ତା । ଫୋନରେ ୪୫୫ରୁ ଅଧିକ ଲାଇଭ୍ ଟିଭି ଚ୍ୟାନେଲ, ମୁଭି ପ୍ରିମିୟର ଓ ନୂଆ ଫିଲ୍ମ, ଭିଡିଓ ଶୋ ମିଳିବ । ଜିଓପେ ଓ ଜିଓଚାଟ୍ ଭଳି ପ୍ରିଲୋଡେଡ୍ ଆପ୍ ମଧ୍ୟ ଫୋନରେ ମିଳିବ । ସୂଚନାଯୋଗ୍ୟ ପୂର୍ବରୁ ରିଲାଏନ୍ସ ଜିଓ ତରଫରୁ ଇଣ୍ଡିଆ ମୋବାଇଲ କଂଗ୍ରେସରେ ୧୫ ଅକ୍ଟୋବରରେ ୨ ନୂଆ ୪ଜି ଫୋନ୍ ଲଞ୍ଚ୍ କରାଯାଇଥିଲା । ୧୦୯୯ ଟଙ୍କା ଦାମରେ ଫୋନ୍ ଆଣିଥିଲା କମ୍ପାନୀ ।
