ଗିରଫ ହେଲେ ହରଦୀପ ସିଂ ନିଜାରଙ୍କ ହତ୍ୟା ସହ ଜଡିତ ହିଟ୍ ସ୍କ୍ବାଡ୍ର ୩ ସଦସ୍ୟ
ନୂଅାଦିଲ୍ଳୀ: ଗତବର୍ଷ ବ୍ରିଟିଶ କଲମ୍ବିଆରେ ଖାଲିସ୍ତାନୀ ଆତଙ୍କବାଦୀ ହରଦୀପ ସିଂ ନିଜାରଙ୍କ ହତ୍ୟା ସହ ଜଡିତ ଏକ ହିଟ୍ ସ୍କ୍ବାଡ୍ର ତିନିଜଣ ସଦସ୍ୟଙ୍କୁ ଶୁକ୍ରବାର ଦିନ କାନାଡା ପୁଲିସ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ରୟାଲ କନ୍ନଡୀୟ ମାଉଣ୍ଟେଡ ପୁଲିସ ତିନି ଅଭିଯୁକ୍ତ କରଣପ୍ରୀତ ସିଂ( ୨୮) କମଲପ୍ରୀତ ସିଂ (୨୨) ଏବଂ କରଣ ବ୍ରାର (୨୨)ଙ୍କୁ ଗିରଫ କରିଥିବା ସୂଚନା ରହିଛି।
ଆରସିଏମ୍ପି ଅଧୀକ୍ଷକ ମନଦୀପ ମୁକର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ‘‘ଭାରତ ସରକାରଙ୍କ ସହ ସେମାନଙ୍କର କୌଣସି ପ୍ରକାରର ସଂଯୋଗ ରହିଛି କି ନାହିଁ ତାହା ଆମେ ଅନୁସନ୍ଧାନ କରୁଛୁ। କିଛି ମାସ ପୂର୍ବରୁ କାନାଡାର ସନ୍ଦିଗ୍ଧମାନଙ୍କୁ ଚିହ୍ନଟ କରାଯିିବା ପରେ ସେମାନଙ୍କୁ କଡା ନଜରରେ ରଖାଯାଇଛି।’’
ହିଟ୍ ସ୍କ୍ବାଡ୍ର ଅଭିଯୁକ୍ତ ସଦସ୍ୟମାନେ ନିଜାରଙ୍କ ହତ୍ୟା ସମୟରେ ଗୁଳି ଚାଳକ, ଗାଡ଼ି ଚାଳକ ଓ ଦେଖଣାହାରୀ ଭାବେ ବିଭିନ୍ନ ଭୂମିକା ଗ୍ରହଣ କରିଥିଲେ। ପୂର୍ବରୁ ପୁଲିସ୍ ଅପରେସନ୍ ସମୟରେ ଏହି ବ୍ୟକ୍ତିମାନଙ୍କୁ ଗିରଫ କରାଯାଇଥିଲା।
କାନାଡା ପୁଲିସ କହିଛି ଯେ ସେମାନେ ଏହି ମାମଲାରେ ଆମେରିକାର ଆଇନ ଶୃଙ୍ଖଳା ସଂସ୍ଥା ସହିତ ଯୋଡ଼ି ହୋଇ କାମ କରିଛନ୍ତି। ଆଗରୁ ଆହୁରି ଅଧିକ ଗିରଫଦାରୀ ହୋଇପାରେ ବୋଲି ବିଶ୍ବାସ କରାଯାଉଛି।
ଉଲ୍ଲେଖଯୋଗ୍ୟ, ସୁରେର ଗୁରୁ ନାନକ ଶିଖ ଗୁରୁଦ୍ୱାରରେ ସନ୍ଧ୍ୟା ପ୍ରାର୍ଥନା କରିବାର କିଛି ସମୟ ପରେ ନିଜାର (୪୫)ଙ୍କୁ ୨୦୨୩ ମସିହା ଜୁନ୍ ୧୮ ତାରିଖରେ ଗୁଳି କରି ହତ୍ୟା କରାଯାଇଥିଲା।
