ନୂଆଦିଲ୍ଲୀ : ଓପନଏଆଇର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ କୃତ୍ରିମ ବୁଦ୍ଧିମତା ଆଧାରିତ ହାର୍ଡଓ୍ବେୟାର ଡିଭାଇସର ଯୋଜନା ସମ୍ପର୍କରେ ଖୁଲାସା କରିଛନ୍ତି । ଭବିଷ୍ୟତରେ ଏହି ଡିଭାଇସ ସ୍ମାର୍ଟଫୋନର ସ୍ଥାନ ନେବା ଆଶା କରାଯାଉଛି । ଏହି ଡିଭାଇସକୁ ଆପଲର ପୂର୍ବତନ ମୁଖ୍ୟ ଡିଜାଇନର ଚିଫ୍ ଜନି ଇଭଙ୍କ ସହଯୋଗରେ ଡେଭଲପ୍ କରାଯାଉଛି । ଅଲ୍ଟମ୍ୟାନଙ୍କ କହିବାନୁସାରେ ଏହି ନୂଆ ଡିଭାଇସ ଜେନେରେଟିଭ୍ ଏଆଇ ବ୍ୟବହାର ଦ୍ବାରା ସ୍ମାର୍ଟଫୋନଠୁ ମଧ୍ୟ ଉତ୍ତମ ପ୍ରଦର୍ଶନ କରିପାରିବ ।
ଏହି ପ୍ରକଳ୍ପ ଉପରେ ଗତ ବର୍ଷେ ଧରି କାମ କରାଯାଉଛି ଏବଂ ପ୍ରୋଜେକ୍ଟରେ ଭାରି ନିବେଶ ମଧ୍ୟ କରାଯାଇଛି । ଏହି ଡିଭାଇସ ପାରମ୍ପରିକ ଚଟ୍ ଏବଂ ଟାଇପିଂ ଇନପୁଟଠୁ ଭିନ୍ନ ହେବ ଏବଂ ଏହାର ମୁଖ୍ୟ ଫିଚର୍ ଭଏସ୍ କମାଣ୍ଡ ଓ ଅନ୍ୟ ସାଧାରଣ ଇଣ୍ଟରନେଟ୍ ହେବ । ୟୁଜର କେବଳ ସରଳ ଭାଷାରେ କହି କିମ୍ବା ଇଶାରା ଦେଇ ଏହାକୁ ସଞ୍ଚାଳିତ କରିପାରିବେ ।
ବର୍ତ୍ତମାନ ଏହି ଡିଭାଇସ ସମ୍ପର୍କରେ ଅଧିକ ସୂଚନା ମିଳିପାରିନି । ଅଲ୍ଟମ୍ୟାନ୍ ଇଶାରା ଦେଇଛନ୍ତି କି ଏହି ଡିଭାଇସର ଏକ ପ୍ରୋଟୋଟାଇପ୍ ପ୍ରସ୍ତୁତ ହେବା ପାଇଁ ଆଉ କିଛି ବର୍ଷ ଲାଗିପାରେ । କହିରଖୁଛୁ ଅଲ୍ଟମ୍ୟାନ୍ ଓ ଜନି ଇଭ୍ ଏହି ପ୍ରୋଜେକ୍ଟକୁ ସାକାର କରିବା ପାଇଁ ଏକାଠି ଆସିଛନ୍ତି । ଏହା ମଧ୍ୟରେ ଓପନଏଆଇ ଏକ ନୂଆ କୃତ୍ରିମ ବୁଦ୍ଧିମତା ଏଜେଣ୍ଟ ଡିପ୍ ରିସର୍ଚ୍ଚ ମଧ୍ୟ ଲଞ୍ଚ୍ କରିଛି ।
