କୃତି କ୍ରୀଡାବିତଙ୍କୁ ସମ୍ବର୍ଦ୍ଧନା

ଭବାନୀପାଟଣା: ଅବସରପ୍ରାପ୍ତ ବନ କର୍ମଚାରୀ ସଂଘ ପକ୍ଷ ରୁ ଆଜି ସ୍ଥାନୀୟ ଅମଲା ଭବନ ରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହେଇଥିଲା। ନିକଟରେ ଛତିଶଗଡ ରାୟପୁର ରେ ଅନୁଷ୍ଠିତ ୨୭ ତମ ସର୍ବଭାରତୀୟ ବନ ବିଭାଗ କ୍ରୀଡାରେ ରଜତ ଓ କାଂଶ୍ୟ ଏବଂ ରାଜ୍ୟସ୍ତରୀୟ ପ୍ରତିଯୋଗିତାରେ ସ୍ଵର୍ଣ୍ଣ ପଦକ ବିଜେତା ହେଇଥିବା ସୁଧୀର କୁମାର ତ୍ରିପାଠୀ, ପ୍ରଶାନ୍ତ କୁମାର ପଣ୍ଡା ଏବଂ ଶିଶିର କୁମାର ପଟ୍ଟନାୟକ ଙ୍କୁ ଏହି ଅବସରରେ ମାନପତ୍ର ଏବଂ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା।

ଅବସରପ୍ରାପ୍ତ ବନ ଅଧିକାରୀ ଶରତ ଚନ୍ଦ୍ର ନାୟକ ଙ୍କ ସଭାପତିତ୍ବ ରେ ଅନୁଷ୍ଠିତ ଏହି ସଭାରେ ଆରସିସିଏଫ ସନ୍ତୋଷ ଯୋଶୀ, ବରିଷ୍ଠ କ୍ରୀଡାବିତ୍ ଦୁର୍ଗା ଚରଣ ମିଶ୍ର, ଶିକ୍ଷାବିତ୍ ମୂର୍ତ୍ତି ମଞ୍ଜରୀ ପଣ୍ଡା, ଜିଲ୍ଲା ଅମଲା ସଂଘ ସଭାପତି ସୁକାନ୍ତ ମହାପାତ୍ର ପ୍ରମୁଖ ଯୋଗଦେଇ କୃତି କ୍ରୀଡାବିତ୍ ମାନଙ୍କ ଭୂୟସୀ ପ୍ରଶଂସା କରିଥିଲେ। ସଭା ଟି କୁ ବରିଷ୍ଠ ଉଦଘୋଷକ ରୂପ କେଶରୀ ଦଳେଇ ପରିଚାଳନା କରିଥିଲେ।