ଏନଏସସିବି ମହାବିଦ୍ୟାଳୟରେ ସେମିନାର ପାଠାଗାର ଉଦଘାଟିତ

ସମ୍ବଲପୁର: ସ୍ଥାନୀୟ ପୁଟିବନ୍ଧ ସ୍ଥିତ ନେତାଜୀ ସୁଭାଷ ଚନ୍ଦ୍ର ବୋଷ ମହାବିଦ୍ୟାଳୟ ଠାରେ ଇଂରାଜୀ ବିଭାଗର ସେମିନାର ପାଠାଗାର ମଙ୍ଗଳବାର ଉଦଘାଟିତ ହୋଇଯାଇଛି। ଅଧ୍ୟକ୍ଷ ଡ. ପ୍ରଦୀପ କୁମାର ହରପାଲ ମୁଖ୍ୟ ଅତିଥି ରୂପେ ଯୋଗ ଦେଇ ଏହାକୁ ଉଦଘାଟନ କରିଛନ୍ତି। ସମ୍ମାନୀତ ଅତିଥି ରୂପେ ଏମ. ପି. ନାୟକ ଓ ପ୍ର. ରାଜେନ୍ଦ୍ର କୁମାର ପାଢ଼ୀ ଯୋଗ ଦେଇ କଲେଜ ଜୀବନରେ ପାଠାଗାର ଏବଂ ପୁସ୍ତକର ମହତ୍ୱ ଉପରେ ଆଲୋକପାତ କରିଥିଲେ। ଇଂରାଜୀ ବିଭାଗ ମୁଖ୍ୟ ହରିହର ମଲ୍ଲିକ, ସହକାରୀ ଅଧ୍ୟାପକ ବିରସେନ ଦଳାଇ, ନିରଞ୍ଜନ ରାଉତ, ସତ୍ୟରଞ୍ଜନ ଭୋଇ, ତ୍ରିଲୋଚନ କୁମ୍ଭାର, ଅନିକେତ ପାଣିଗ୍ରାହୀ, ଐଶ୍ୱର୍ଯ୍ୟା ବେହେରା, ସେମିନାର ସଚିବ ରାହୁଲ କୁମାର ଦେବତା, ରୋହନ ନାୟକ, ପଲ୍ଲଭ ପଣ୍ଡଙ୍କ ସମେତ ପିଜି ଓ ୟୁଜିର ଛାତ୍ରଛାତ୍ରୀ ମାନେ ଉପସ୍ଥିତ ରହିଥିଲେ।