ଉଦ୍ଧବଙ୍କ ଗାଡ଼ି ଉପରକୁ ଗୋବର ଫିଙ୍ଗିଲେ ରାଜ ଠାକରେଙ୍କ କର୍ମୀ
ମୁ୍ମ୍ବାଇ: ମହାରାଷ୍ଟ୍ରର ଥାନେରେ ଶିବସେନା (ୟୁବିଟି) ନେତା ଉଦ୍ଧବ ଠାକରେଙ୍କ ସଭାସ୍ଥଳରେ ଏମଏନଏସ କର୍ମୀମାନେ ହଙ୍ଗାମା କରିଛନ୍ତି । ରାଜ ଠାକରେଙ୍କ କର୍ମୀମାନେ ଉଦ୍ଧବ ଠାକରେଙ୍କ ଗାଡ଼ି ଉପରକୁ ଗୋବର ଫିଙ୍ଗିଛନ୍ତି। ସେପଟେ ଶିବସେନା ମୁଖ୍ୟଙ୍କ ଗାଡ଼ି ଉପରକୁ ଏମଏନଏସର ମହିଳା କର୍ମୀମାନେ ଚୁଡ଼ି ଫିଙ୍ଗିଛନ୍ତି। ଏହା ସହିତ ଉଦ୍ଧବଙ୍କ ଗାଡ଼ି ଉପରକୁ ଟମାଟର ମଧ୍ୟ ଫିଙ୍ଗାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଶୁକ୍ରବାର ଦିନ, ଯେତେବେଳେ ଏମଏନଏସ ମୁଖ୍ୟ ରାଜ ଠାକରେ ମହାରାଷ୍ଟ୍ର ଗସ୍ତରେ ଥିଲେ, ଶିବସେନା (ୟୁବିଟି) କର୍ମୀମାନେ ରାଜ ଠାକରେଙ୍କ ଗାଡ଼ି ଉପରକୁ ଗୁଆ ଫିଙ୍ଗିଥିଲେ। ଏହାର ପ୍ରତିଶୋଧ ନେବା ପାଇଁ ଏମଏନଏସ କର୍ମୀମାନେ ଏପରି କରିଥିବା ଅନୁମାନ କରାଯାଉଛି ।
ଏହା ପୂର୍ବରୁ ଉଦ୍ଧବଙ୍କ ଥାଣେ ଗସ୍ତ ପୂର୍ବରୁ ସେଠାରେ କେତେକ ବିବାଦୀୟ ହୋଡିଂ ଲଗାଯାଇଥିଲା । ସେଥିରେ ଦେଖାଯାଉଛି ଯେ ଉଦ୍ଧବ ସୋନିଆ ଗାନ୍ଧି, ମଲ୍ଲିକାର୍ଜ୍ଜୁନ ଖଡଗେ ଓ ରାହୁଲ ଗାନ୍ଧିଙ୍କ ପାଦତଳେ ପଡ଼ିଯାଇଛନ୍ତି । ଉଦ୍ଧବଙ୍କ ପଛରେ ଆଦିତ୍ୟ ଠାକରେ ଓ ସଂଜୟ ରାଉତ ଛିଡ଼ା ହୋଇଛନ୍ତି । ଏସବୁ ହୋଡିଂ ପଛରେ ଏମଏନଏସ ଥିବା ସଂଦେହ କରାଯାଉଛି ।
