ଚଲକୁଡି: ଆମ୍ବୁଲାନ୍ସର ବାଟ ଅଟକାଇବାରୁ କାର ଚାଳକଙ୍କ ଉପରେ ଲାଗିଲା ୨.୫ଲକ୍ଷ ଜରିମାନା | ଜାଣିଶୁଣି ଅନେକ ସମୟ ପର୍ଯ୍ୟନ୍ତ କାର ଚାଳକ ଆମ୍ବୁଲାନ୍ସକୁ ଆଗକୁ ଯିବାକୁ ଦେଇନଥିବାରୁ ମିଳିଲା ଦଣ୍ଡ | ଆମ୍ବୁଲାନ୍ସର ଡାସକ୍ୟାମରେ ରେକର୍ଡ ହୋଇଥିବା ଭିଡିଓ ଭାଇରାଲ ହେବା ପରେ ପୁରା ଘଟଣା ସାମ୍ନାକୁ ଆସିଥିଲା | ଏହା ପରେ ଚାଳକ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ଜଣାଯାଇଛି |
Such an insane & inhuman act.
A car owner in Kerala has been fined Rs/- 2.5 Lakh and their license has been cancelled for not giving away the path for an ambulance.
Well done @TheKeralaPolice pic.twitter.com/RYGqtKj7jZ
— Vije (@vijeshetty) November 16, 2024
ଘଟଣାଟି ନଭେମ୍ୱର ୭ରେ ଘଟିଥିବା ବେଳେ ଭିଡିଓ ଭାଇରାଲ ହେବା ପରେ ଘଟଣାଟି ସାମ୍ନାକୁ ଆସିଛି | ଭାଇରାଲ ଭିଡିଓରେ ଦେଖାଯାଇଛି ଯେ, ଚଲକୁଡି ଦେଇ ଥ୍ରିସୁର ମେଡିକାଲ କଲେଜ ଯାଉଥିବା ଆମ୍ବୁଲାନ୍ସ ଚାଳକ ଆଗରେ କାର ଦେଖି ହର୍ଣ ମାରିଥିଲେ | ହେଲେ କାର ଚାଳକଜଣକ ଆମ୍ବୁଲାନ୍ସକୁ ଯିବା ପାଇଁ ବାଟ ଦେଇନଥିଲେ | ଲଗାତାର ୨ମିନିଟ ଧରି ଏଭଳି ଚାଲିଥିଲା | ବାଟ ଦେବା ପରିବର୍ତ୍ତେ ସେ ଆମ୍ବୁଲାନ୍ସର ବାଟ ରୋକିବାକୁ ଚେଷ୍ଟା କରୁଥିବା ଦେଖାଯାଇଥିଲା |
