ଅଷ୍ଟ୍ରେଲିଆଠାରୁ ବିଜୟ ଓ ମୁମ୍ବାଇରେ ରାତି, ଏଭଳି କଥା କାହିଁକି କହିଲେ ରସିଦ
ନୂଆଦିଲ୍ଲୀ: ଆଜି ଆଫଗାନିସ୍ତାନ ପାଇଁ ଏକ ସ୍ୱପ୍ନଠାରୁ କମ୍ ନୁହେଁ | ୨୦୨୪ ଟି -୨୦ ବିଶ୍ୱକପରେ ଅଷ୍ଟ୍ରେଲିଆକୁ ପରାସ୍ତ କରି ଆଫଗାନିସ୍ତାନ ଏକ ବଡ ଝଡ ଆଣିଛି | କୌଣସି ଫର୍ମାଟରେ ଅଷ୍ଟ୍ରେଲିଆ ବିପକ୍ଷରେ ଆଫଗାନିସ୍ତାନର ଏହା ପ୍ରଥମ ବିଜୟ | ୨୦୨୩ ଦିନିକିଆ ବିଶ୍ୱକପରେ ମଧ୍ୟ ଆଫଗାନିସ୍ତାନ ଅଷ୍ଟ୍ରେଲିଆର ଝାଳ ବାହାର କରିଦେଇଥିଲା | ତେବେ ଗ୍ଲେନ ମ୍ୟାକ୍ସୱେଲଙ୍କ ଐତିହାସିକ ଇନିଂସ ଯୋଗୁଁ ଆଫଗାନିସ୍ତାନ ହାତରୁ ବିଜୟ ଖସି ଯାଇଥିଲା | ଏବେ କଙ୍ଗାରୁ ଦଳକୁ ପରାସ୍ତ କରିବା ପରେ ରସିଦ ଖାନ ଏକ ବଡ଼ ବିବୃତ୍ତି ଦେଇଛନ୍ତି। ଗତ ବର୍ଷ ନଭେମ୍ବରରେ ମୁମ୍ବାଇରେ ଚାଲିଥିବା ଦିନିକିଆ ବିଶ୍ୱକପ ମ୍ୟାଚ୍ ପରେ ଗ୍ଲେନ୍ ମ୍ୟାକ୍ସୱେଲଙ୍କ ଐତିହାସିକ ଡବଲ୍ ଶତକ ରସିଦ ଖାନଙ୍କୁ ଶୋଇବାକୁ ଦେଇ ନଥିଲା।
Sambad is now on WhatsApp
Join and get latest news updates delivered to you via WhatsApp
ରବିବାର ଦିନ ଟି -୨୦ ବିଶ୍ୱକପରେ ଅଷ୍ଟ୍ରେଲିଆକୁ ପରାସ୍ତ କରିବା ପରେ ରସିଦ ଖାନ ଏନେଇ ମୁହଁ ଖୋଲିଛନ୍ତି | ଆଫଗାନିସ୍ତାନ ସୁପର ଆଠ ପର୍ଯ୍ୟାୟ ମ୍ୟାଚରେ ଅଷ୍ଟ୍ରେଲିଆକୁ ୨୧ ରନରେ ପରାସ୍ତ କରି ସେମିଫାଇନାଲରେ ପ୍ରବେଶ କରିବାର ଆଶାକୁ ବଞ୍ଚାଇ ରଖିଛି। ଏହି ବିଜୟ ସହିତ ଦଳ ମୁମ୍ବାଇର ତିକ୍ତ ସ୍ମୃତିକୁ ଭୁଲିବାକୁ ଚେଷ୍ଟା କରିବ | ଗତ ବର୍ଷ ନଭେମ୍ବରରେ ଚାଲିଥିବା ଏକଦିବସୀୟ ବିଶ୍ୱକପ୍ରେ ଅଷ୍ଟ୍ରେଲିଆ ୯୧ ରନ୍ରେ ସାତୋଟି ୱିକେଟ୍ ହରାଇବା ପରେ ୨୯୨ ରନ୍ର ଲକ୍ଷ୍ୟ ହାସଲ କରିଥିଲା। ଏହି ମ୍ୟାଚ୍ରେ ଆହତ ହୋଇଥିଲେ ମଧ୍ୟ ମ୍ୟାକ୍ସୱେଲ ୨୧ ଚୌକା ଓ ୧୦ ଛକା ସହାୟତାରେ ୧୨୮ ବଲରେ ଅପରାଜିତ ୨୦୧ ରନ୍ର ଏକ ଇନିଂସ ଖେଳିଥିଲେ। ଟି -୨୦ ବିଶ୍ୱକପରେ ଅଷ୍ଟ୍ରେଲିଆଠାରୁ ବିଜୟ ହେବା ପରେ ରସିଦ ଖାନ କହିଛନ୍ତି ମୁଁ ଭାବୁଛି ମୁଁ ବର୍ତ୍ତମାନ ଭଲ ଭାବେ ଶୋଇ ପାରିବି। ମୁଁ ସେଦିନ ରାତିରେ ଶୋଇ ପାରିନଥିଲି | ସେହି ମ୍ୟାଚର ସ୍ମୃତି ସବୁବେଳେ ଆମ ମନରେ ରହିବ | ମୁଁ (୭ ନଭେମ୍ବର ୨୦୨୩) ସାରା ରାତି ଶୋଇ ପାରିନଥିଲି | ଆଜି ମଧ୍ୟ ସମାନ ଘଟଣା ଘଟିବ | ଖୁସିରେ ମୁଁ ଆଜି ଶୋଇ ପାରିବି ନାହିଁ | ଆଜି ପୂରା ଦଳ ଖୁସି ଅଛନ୍ତି।
