ମୁମ୍ବାଇ: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ରବିବାର ଦିନ ମୁମ୍ବାଇରେ ବିଜେପିର ନିର୍ବାଚନୀ ଇସ୍ତାହାର ପ୍ରକାଶ କରିଛନ୍ତି। କୃଷକଙ୍କ ଋଣ ଛାଡ, ମହିଳାଙ୍କୁ ୨୧୦୦ଟଙ୍କା ଏବଂ ୨୫ ଲକ୍ଷ ଚାକିରି ଆଦି ଅନେକ ପ୍ରତିଶ୍ରୁତି ଦିଆଯାଇଛି। କୃଷକମାନଙ୍କ ପାଇଁ ଭାବାନ୍ତର ଯୋଜନା କାର୍ଯ୍ୟକାରୀ କରିବାକୁ ମଧ୍ୟ ଘୋଷଣା କରାଯାଇଛି। ଏହା ସହିତ କୌଶଳ କେନ୍ଦ୍ର ଖୋଲିବାକୁ ଘୋଷଣା କରାଯାଇଛି।
ବିଜେପିର ପ୍ରତିଶ୍ରୁତି ତାଲିକା:
୧-କୃଷକଙ୍କ ଋଣ ଛାଡ
୨-୨୫ ଲକ୍ଷ ଚାକିରି
୩- ଛାତ୍ରଛାତ୍ରୀମାନଙ୍କୁ ପ୍ରତି ମାସରେ ୧୦,୦୦୦ଟଙ୍କା ଟ୍ୟୁସନ ଫି ଦିଆଯିବ
୪- ଲାଡଲି ଯୋଜନାରେ ମହିଳାମାନଙ୍କୁ ୨୧୦୦ ଟଙ୍କା ଦିଆଯିବ
୫- ଯୁବବର୍ଗମାନଙ୍କ ପାଇଁ ଦକ୍ଷତା କେନ୍ଦ୍ର ଖୋଲାଯିବ
୬-ଚାଷୀଙ୍କୁ ଏମଏସପି କ୍ଷତିପୂରଣ ଦେବା ପାଇଁ ଭାବାନ୍ତା ଯୋଜନାର ସୁବିଧା ଦିଆଯିବ
୭-ବିନା ସୁଧରେ ଓବିସି / ଏସସି / ଏସଟିଙ୍କୁ ୧୫ ଲକ୍ଷ ଟଙ୍କା ପର୍ଯ୍ୟନ୍ତତ ଋଣ ପ୍ରଦାନ କରାଯିବ
୮-୫୦ ଲକ୍ଷ ଲକ୍ଷପତି ଦିଦି କରାଯିବ
୯-ସୋୟାବିନ ଫସଲ ପାଇଁ ୬ହଜାର ଟଙ୍କା ଏମଏସପି ଦିଆଯିବ
୧୦-ମାଗଣା ରାସନ ଯୋଜନାରେ ବୃଦ୍ଧି
୧୧-୩୦ ପ୍ରତିଶତ ରିହାତି ବିଦ୍ୟୁତ୍ ବିଲରେ ଉପଲବ୍ଧ ହେବ
୧୨- ବୃଦ୍ଧମାନଙ୍କୁ ୨୧୦୦ ଟଙ୍କା ପେନସନ୍ ଦିଆଯିବ
୧୩-୪୫ହଜାର ଗାଁରେ ରାସ୍ତାଗୁଡ଼ିକର ଏକ ନେଟୱାର୍କ ରଖାଯିବ
୧୪-ଶେତକାରୀ ସମ୍ମାନ ଯୋଜନାରେ ମାସକୁ ୧୫୦୦୦ ଟଙ୍କା ଦିଆଯିବ
ଏହାପୂର୍ବରୁ ଅମିତ ଶାହ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିବାବେଳେ କହିଥିଲେ ଯେ ମହାରାଷ୍ଟ୍ର ବହୁ ବର୍ଷ ଧରି ଦେଶକୁ ଆଗେଇ ନେଇଛି। ଦାସତ୍ୱରୁ ମୁକ୍ତି ପାଇଁ ଆନ୍ଦୋଳନ ମଧ୍ୟ ଏଠାରୁ ଆରମ୍ଭ ହୋଇଥିଲା। ସାମାଜିକ ବିପ୍ଳବ ମଧ୍ୟ ଏଠାରୁ ଆରମ୍ଭ ହୋଇଥିଲା। ଏହି ସମୟରେ ଅମିତ ଶାହ ରାହୁଲ ଗାନ୍ଧୀଙ୍କୁ ମଧ୍ୟ ଟାର୍ଗେଟ କରିଥିଲେ। ସେ କହିଥିଲେ ଯେ କୌଣସି କଂଗ୍ରେସ ନେତା ବୀର ସାବରକର ଏବଂ ବାଲା ସାହେବ ଠାକରେଙ୍କ ନାମ ନେଇ ପାରିବେ କି? ରାହୁଲ ଗାନ୍ଧୀ ବୀର ସାବରକରଙ୍କ ପାଇଁ ଦୁଇଟି ଶବ୍ଦ କହି ଦେଖାନ୍ତୁ ତ, ଆମେ ତାଙ୍କୁ ତାରିଫ୍ କରିବୁ।
ଏଥି ସହିତ ଗୃହମନ୍ତ୍ରୀ ମଧ୍ୟ କଂଗ୍ରେସର ନିର୍ବାଚନ ପ୍ରତିଶ୍ରୁତି ନେଇ କଡ଼ା ସମାଲୋଚନା କରିଥିଲେ। ସେ କହିଥିଲେ ଯେ ପ୍ରତିଶ୍ରୁତି ଦେବା ସମୟରେ କଂଗ୍ରେସ ଚିନ୍ତା କରିବା ଉଚିତ, କାରଣ ସେମାନେ ଦେଇଥିବା ପ୍ରତିଶ୍ରୁତି ପୂରଣ କରୁନାହାନ୍ତି ଏବଂ ମୋତେ ଉତ୍ତର ଦେବାକୁ ପଡୁଛି। ତେଲେଙ୍ଗାନା ଏବଂ ହିମାଚଳ ଏହାର ଉଦାହରଣ।
#WATCH | Mumbai: During the BJP’s manifesto launch for #MaharashtraAssemblyElections2024, Union Home Minister Amit Shah says, ” I want to ask Uddhav Thackeray from this stage, can he ask Rahul Gandhi to speak 2 good words about Veer Savarkar? Can any Congress worker speak 2 good… pic.twitter.com/ROGIwXbFhH
— ANI (@ANI) November 10, 2024
ଅଧିକ ପଢ଼ନ୍ତୁ: ଆମେରିକା ଡ୍ରୋନ୍ ଜ୍ଞାନକୌଶଳ ଚୋରିକଲା ଚୀନ୍!
ସେ ଉଦ୍ଧବ ଠାକରେ କଂଗ୍ରେସ ସହ ମିଳିତ ସମ୍ପର୍କ ଉପରେ ମଧ୍ୟ ପ୍ରଶ୍ନ ଉଠାଇଥିଲେ। ସେ କହିଛନ୍ତି ଯେ ଆଦର୍ଶରେ ଆପୋଷ ବୁଝାମଣା କରିବା ଏବଂ କ୍ଷମତା ପାଇଁ ବିରୋଧୀ ଦଳରେ ଯୋଗଦେବା କୌଣସି ପ୍ରକାରେ ଠିକ୍ କୁହାଯାଇପାରିବ ନାହିଁ।
ଅଧିକ ପଢ଼ନ୍ତୁ: ସିନ୍ଦେଙ୍କ ଭାଇରାଲ ଭିଡିଓ ନେଇ ଆଦିତ୍ୟଙ୍କ କଟାକ୍ଷ, ସେ ରାଜ୍ୟର ବେଆଇନ ସିଏମ
