ହରିଚନ୍ଦନପୁରରେ ୨୬ ଟିକିଆ ହାତୀପଲ, ନଷ୍ଟ କଲେ କୋବି ଫସଲ

ପାଟଣା : ପାଟଣା ବନାଞ୍ଚଳରେ ୨୭ ଟିକିଆ ହାତୀପଲଙ୍କ ଉପଦ୍ରବ ଜାରି ଥିବାବେଳେ ଏହି ପଲରେ ଗୋଟିଏ ଦନ୍ତା ଗୋଠ ଛଡା ହୋଇ ଉଖୁଣ୍ଡା ଅଞ୍ଚଳ ମୁହାଁ ହୋଇଛି। ଗତକାଲିଏହି ହାତୀପଲ ରାତି କିମିର୍ଦାପଶି ,ନୂଆଖମଣ ଆଦି ଗ୍ରାମରେ ଟଙ୍କଧର ମହାନ୍ତ ,କରୁଣାକର ମହାନ୍ତ , ଗୌରୀ ମହାନ୍ତ , ଶୁକଦେବ ମହାନ୍ତ , ଘନ ମହାନ୍ତଙ୍କ ଧାନ ଫସଲ ନଷ୍ଟ କରିଥିବାବେଳେ କରୁଣାକର ମହାନ୍ତ ଓ ଘନ ମହାନ୍ତଙ୍କ ବ୍ୟାପକ କୋବି ଫସଲ ନଷ୍ଟ କରିବା ପରେ ଆଜି ସକାଳୁ ସକାଳୁ ବୈତରଣୀ ପାର ହୋଇ ସାହାରପଡା ବ୍ଲକ ହରିଚନ୍ଦନପୁର ଜଙ୍ଗଲରେ ଡେରା ପକାଇଛନ୍ତି । ଏହି ହାତୀପଲଙ୍କୁ ଦେଖିବାକୁ ଲୋକେ ପ୍ରବଳ ଭିଡ କରୁଥିବାରୁ ହାତୀମାନେ ବିଶୃଙ୍ଖଳିତ ହେଉଥିବା ଦେଖାଯାଇଛି। ସାହାରପଡା ବନପାଳ ଭୂପତି କୁମାର ସେଠୀ ଓ ଗଜସାଥୀମାନେ ଏହି ହାତୀପଲଙ୍କ ଉପରେ ନଜର ରଖିଛନ୍ତି।