ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୁଆଙ୍ଗ୍ ପ୍ରବାଙ୍ଗର ପ୍ରତିଷ୍ଠିତ ରୟାଲ ଥିଏଟର୍ ଦ୍ୱାରା ପରିବେଷଣ କରାଯାଇଥିବା ଲାଓ ରାମାୟଣର ଏକ ଏପିସୋଡ ଦେଖିଛନ୍ତି – ଯାହାକୁ ଫଲକ ଫାଲମ କିମ୍ବା ଫ୍ରା ଲାକ ଫ୍ରା ରାମ କୁହାଯାଇଥାଏ । ଲାଓସରେ ଆଜି ମଧ୍ୟ ରାମାୟଣ ପ୍ରତି ଲୋକମାନଙ୍କ ମଧ୍ୟରେ ଉତ୍ସାହ ରହିଛି । ଏହି ମହାକାବ୍ୟ ଦୁଇ ଦେଶ ମଧ୍ୟରେ ଭାଗିଦାରୀ ଐତିହ୍ୟ ଏବଂ ପୁରୁଣା ସଭ୍ୟତା ସଂଯୋଗକୁ ପ୍ରତିଫଳିତ କରିଛି । ଭାରତୀୟ ସଂସ୍କୃତି ଏବଂ ପରମ୍ପରାର ଅନେକ ଦିଗ ଲାଓସରେ ଶତାବ୍ଦୀ ଧରି ଅନୁପ୍ରୟୋଗ ଏବଂ ସଂରକ୍ଷିତ କରାଯାଇ ଆସୁଛି ।
ଦୁଇ ଦେଶ ସେମାନଙ୍କର ଭାଗିଦାରୀ ଐତିହ୍ୟକୁ ଅଧିକ ଆଲୋକିତ କରିବା ପାଇଁ ଘନିଷ୍ଠ ଭାବରେ କାର୍ଯ୍ୟ କରୁଛନ୍ତି । ତେବେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏଠାରେ ସରକାରୀ ତଥ୍ୟ ହିସାବରେ ଜଣେ ବି ହିନ୍ଦୁ ରୁହନ୍ତି ନାହିଁ | ଲାଓସ୍ ଏକ ବୌଦ୍ଧ ସଂଖ୍ୟାଗରିଷ୍ଠ ଦେଶ ଏବଂ ସେଠାରେ ହିନ୍ଦୁ ଜନସଂଖ୍ୟା ସମ୍ବନ୍ଧରେ କୌଣସି ସରକାରୀ ତଥ୍ୟ ଉପଲବ୍ଧ ନାହିଁ। ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ଲାଓସରେ ରାମଲିଲା ଆୟୋଜନ କରିବା ଦ୍ୱାରା ପୁରାଣ ସଭ୍ୟତା ଏବଂ ଦୁଇ ଦେଶ ମଧ୍ୟରେ ପୁରୁଣା ଐତିହ୍ୟର ସଂଯୋଗ ଦର୍ଶାଯାଇଛି।
ଲାଓସ୍ ଏକ ଦକ୍ଷିଣ ପୂର୍ବ ଏସୀୟ ଦେଶ, ଯେଉଁଠାରେ ଅଧିକାଂଶ ଜନସଂଖ୍ୟା ବୌଦ୍ଧ ଧର୍ମ ଅନୁସରଣ କରନ୍ତି | ରିପୋର୍ଟ ଅନୁଯାୟୀ, ୨୦୨୩ ମସିହାରେ ଲାଓସର ଜନସଂଖ୍ୟା ୭୯ ଲକ୍ଷ ଥିଲା | ରିପୋର୍ଟରେ କୁହାଯାଇଛି ଯେ ୨୦୧୫ ମସିହାରେ ଲାଓସର ୬୪.୭ ପ୍ରତିଶତ ଲୋକ ବୌଦ୍ଧ ଧର୍ମର ଥିବାବେଳେ ୧.୭ ପ୍ରତିଶତ ଲୋକ ଖ୍ରୀଷ୍ଟିଆନ ଧର୍ମାନୁଲମ୍ବୀ ଥିଲେ | ତେବେ ୩୧.୪ ପ୍ରତିଶତ ଲୋକ ଏମିତି ଥିଲେ ଯାହାର ଧର୍ମ ଜଣା ନାହିଁ। ଏହା ବ୍ୟତୀତ ୨.୨ ପ୍ରତିଶତ ଲୋକ ଅନ୍ୟ ଧର୍ମର ଥିଲେ ।
