ନୂଆଦିଲ୍ଲୀ : ଟିଭି ନିର୍ମାତା ଡାଇଓ୍ବା ୩୨ ରୁ ୫୫ ଇଞ୍ଚ ପର୍ଯ୍ୟନ୍ତ ଏଚଡି ଏବଂ ୪କେ ଗୁଗଲ ଟିଭିର ଏକ ନୂଆ ରେଞ୍ଜ ଲଞ୍ଚ କରିଛି । କମ୍ପାନୀ ନୂଆ ଟିଭିକୁ ଏଲଇଡି ଏବଂ କ୍ୟୁଏଲଇଡି ଡିସପ୍ଲେ ବିକଳ୍ପ ସହିତ ନେଇଆସିଛି । ଏହି ଟିଭିକୁ ୩ ଆକାର ଯଥା ୩୨ ଇଞ୍ଚ, ୪୩ ଇଞ୍ଚ ଏବଂ ୫୫ ଇଞ୍ଚ ବିକଳ୍ପ ସହିତ ଗ୍ରାହକଙ୍କୁ ଉପଲବ୍ଧ କରାଉଛି କମ୍ପାନୀ ।
ଏହି ନୂଆ ଟିଭି ଲାଇନ-ଅପରେ ଡୁଆଲ ବ୍ୟାଣ୍ଡ୍ ଓ୍ବାଇ-ଫାଇ, ବ୍ଲୁଟୁଥ୍ ୫.୦, ଗୁଗଲ ଭଏସ୍ ଆସିଷ୍ଟାଣ୍ଟ୍ ଏବଂ ଆହୁରି ଅନେକ ଫିଚର ରହିବ । ଏହି ଟିଭିରେ ବର୍ଷେ ଓ୍ବାରେଣ୍ଟି ପାଇପାରିବେ ଗ୍ରାହକ । ଏବେ ଗ୍ରାହକ ଏହାକୁ ଫ୍ଲିପକାର୍ଟରେ ପାଇପାରିବେ ।
୩୨ ଇଞ୍ଚର ଏଚ ଏଲଇଡି ଟିଭିର ଦାମ୍ ୧୦,୯୯୯ ଟଙ୍କା ରଖିଛି କମ୍ପାନୀ । ସେହିଭଳି ୪୩ ଇଞ୍ଚ ଟିଭିର ଦାମ୍ ୨୧,୯୯୯ ଟଙ୍କା ରହିଛି । ୫୫ ଇଞ୍ଚ ଟିଭିର ଦାମ୍ ୩୪,୯୯୦ ଟଙ୍କା ରଖାଯାଇଛି । ଗ୍ରାହକ ଏହାକୁ ବ୍ୟାଙ୍କ ଅଫର ସହିତ ପୁରୁଣା ଟିଭି ବଦଳାଇ ମଧ୍ୟ କିଣିପାରିବେ । ଟିଭିରେ ୧୦ ହଜାରରୁ ଅଧିକ ଆପ୍ସ ଡାଉନଲୋଡ୍ କରିହେବ । ଏଥିରେ ଟ୍ବିନ୍ ସ୍ପିକର ରହିଛି ଯାହା ଡଲବି ଅଡିଓ ସପୋର୍ଟ ସହିତ ଉତ୍ତମ ସାଉଣ୍ଡ ପ୍ରଦାନ କରିବ ।
