ଏନଏସି ଅଫିସରେ ବିଭିନ୍ନ ଯୋଜନାର ସମୀକ୍ଷା କଲେ ବିଧାୟକ ଲକ୍ଷ୍ମଣ ବାଗ୍‍

କଣ୍ଟାବାଞ୍ଜି: ଏନଏସି କାର୍ଯ୍ୟାଳୟରେ ବିଭିନ୍ନ ଯୋଜନାର ସମୀକ୍ଷା କରିଛନ୍ତି କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ୍‍ । ଏନଏସି ଅଫିସ ପହଞ୍ଚିଲା ପରେ ସେଠାରେ ତାଙ୍କୁ ଭାବ୍ୟ ସ୍ଵାଗତ କରାଯାଇ ବୈଠକ ଆରମ୍ଭ କରାଯାଇଥିଲା । କଣ୍ଟାବାଞ୍ଜି ଅଞ୍ଚଳରେ ଦେଖା ଯାଉଥିବା ସମସ୍ୟା କେମିତି ଦୂର କରାଯିବ । ଅଞ୍ଚଳର ବିକାଶ କେମିତି ହେବ, ଏଠି ସମସ୍ତେ କେମିତି ଏକଜୁଟ ହୋଇ ସେ ଦିଗ ଉପରେ କାମ କରିବା ବୋଲି ବିଧାୟକ ମତବ୍ୟକ୍ତ କରିଥିଲେ । ନିର୍ବାହୀ ଅଧିକାରୀ ପୁରୀ ରଥଯାତ୍ରା ଡ୍ୟୁଟି ପାଇ ଯାଇଥିବା ଯୋଗୁଁ ସେ ଉପସ୍ଥିତ ନଥିବା ଦ୍ଵାରା ଅନେକ ଗୁରୁତ୍ଵପୂର୍ଣ ବିଷୟରେ ଆଲୋଚନା ହୋଇପାରିଲା ନାହିଁ । କାର‌୍ୟ୍ୟନିର୍ବାହୀ ଅଧିକାରୀ ନିଜ ମନ ମୁତାବକ କାମ କରୁଥିବା ବିଭିନ୍ନ ୱାର୍ଡର କାଉନସିଲର ମାନେ ଅଭିଯୋଗ କରିବା ସହ ନିନ୍ଦା ପ୍ରସ୍ତାବ କରିଥିଲେ । କାଉନସିଲର ସୂର‌୍ୟ୍ୟପ୍ରତାପ ମିଶ୍ର , ଅଶୋକ ବଂଶଳ , ମନୀଷ ଅଗ୍ରୱାଲ , ବିକାଶ ତରିଆ , ନୀଳକଣ୍ଠ ସଥପଥି , ହେମାନୀ ଜଗତ , ଯାଜ୍ଞସେନୀ ନାଗ , ବେଦକାନ୍ତି ପନିକା , ଲଲିତ ଅଗ୍ରୱାଲ , ପିଙ୍କି ମହାନନ୍ଦ ପ୍ରମୁଖ ଉପସ୍ଥିତ ଥିଲେ।