ମୁମ୍ବାଇ: ଫିଲ୍ମ ‘ମର୍ଡର’ରେ ନିଜର ଜବରଦସ୍ତ ଲୁକ୍ ସହିତ ପରଦାରେ ନିଆଁ ଲଗାଇଥିଲେ ବଲିଉଡ ଅଭିନେତ୍ରୀ ମଲ୍ଲିକା ଶେରାୱତ । କିଛି ବର୍ଷ କାମ କରିବା ପରେ ସେ ପରଦାରୁ ଦୂରେଇ ଯାଇଥିଲେ। ହେଲେ ଏବେ ପୁଣି ସେ ପରଦାକୁ ଫେରିଛନ୍ତି। ଫିଲ୍ମ ‘ବିକି ବିଦ୍ୟା କା ୱ ୱାଲା ଭିଡିଓ’ରେ ସେ ଅଭିନୟ କରି ବହୁତ ବର୍ଷ ପରେ ପରଦାକୁ ଫେରିଛନ୍ତି। ତାଙ୍କୁ ଏତେ ବର୍ଷ ପରେ ଦେଖିବା ପାଇଁ ଦର୍ଶକ ଉତ୍ସାହିତ ଥିବା ବେଳେ ତାଙ୍କର ମୋଟ ସମ୍ପତ୍ତିକୁ ନେଇ ଚର୍ଚ୍ଚା ଆରମ୍ଭ ହୋଇଛି |
ହରିୟାଣାର ବାସିନ୍ଦା ମଲ୍ଲିକା ଶେରାୱତଙ୍କ ନାମ ଆଜି ଇଣ୍ଡଷ୍ଟ୍ରିର ଶ୍ରେଷ୍ଠ ଅଭିନେତ୍ରୀଙ୍କ ତାଲିକାରେ ସ୍ଥାନ ପାଇଛି। ଖୁବ୍ କମ୍ ଲୋକ ଜାଣିଥିବେ ଯେ ଅଭିନେତ୍ରୀଙ୍କ ପରିବାର ଏହି କ୍ୟାରିଅରକୁ ବିରୋଧ କରିଥିଲେ | ସେଥିପାଇଁ ଅଭିନେତ୍ରୀ କମ ବୟସରେ ନିଜ ଘର ଛାଡିଥିଲେ। ମଲ୍ଲିକା ଶେରାୱତ ଫିଲ୍ମ ‘ଖ୍ୱାହିଶ’ରୁ ନିଜ ଅଭିନୟ କ୍ୟାରିଅର ଆରମ୍ଭ କରିଥିଲେ। ଏହା ପରେ ଦ୍ୱିତୀୟ ଚଳଚ୍ଚିତ୍ର ‘ମର୍ଡର’ ଅଭିନେତ୍ରୀଙ୍କୁ ରାତାରାତି ଷ୍ଟାର କରିଦେଇଥିଲା। ଏହା ପରେ ଅଭିନେତ୍ରୀ ଅନେକ ହିଟ୍ ଫିଲ୍ମରେ ଅଭିନୟ କରିଥିଲେ | କିନ୍ତୁ ଧୀରେ ଧୀରେ ମଲ୍ଲିକା ବଲିଉଡରୁ ନିଜକୁ ଦୂରେଇ ଦେଇଥିଲେ। ଦୀର୍ଘ ବର୍ଷ ଧରି ସେ କୌଣସି ଫିଲ୍ମ କରିନଥିବା ଏବେ ସେ ପୁଣି ପରଦାକୁ ଫେରିଛନ୍ତି |
ତେବେ ଫିଲ୍ମ କରୁନଥିଲେ ବି ମଲ୍ଲିକା ଏବେ କୋଟି କୋଟି ଟଙ୍କାର ମାଲିକାଣୀ | ଫିଲ୍ମ ନକରି ବି ସେ ବର୍ଷକୁ ୨୦କୋଟି ଟଙ୍କା ଆୟ କରୁଛନ୍ତି | ବିଭିନ୍ନ ବ୍ୟବସାୟରେ ନିବେଶ କରି ସେ ଟଙ୍କା ଆୟ କରୁଥିବା ବେଳେ ଫିଲ୍ମ ପାଇଁ ସେ ନିଅନ୍ତି ୩୦ଲକ୍ଷ ଟଙ୍କା | ଯଦି ଆମେ ତାଙ୍କ ମୋଟ ସମ୍ପତ୍ତି ଦେଖିବା, ତେବେ ସେ ମୋଟ ୧୭୦କୋଟିର ମାଲିକାଣୀ ଅଟନ୍ତି | ମୁମ୍ବାଇର ଅନ୍ଧେରିରେ ତାଙ୍କର ଏକ ବିଳାସପୂର୍ଣ୍ଣ ଘର ମଧ୍ୟ ଅଛି। ଏହା ସହିତ ତାଙ୍କ ପାଖରେ ଲମ୍ବୋର୍ଗିନି ଆଭେଣ୍ଟାଡୋର, ରୋଲ୍ସ ରୋଏସ୍ ଡନ୍, ମ୍ୟାକଲେରେନ୍ ୭୨୦, ଫରାରୀ ୮୧୨ ସୁପରଫାଷ୍ଟ ଭଳି କାର ରହିଛି |
