1
ନୂଆଦିଲ୍ଲୀ : ଅଭିନେତା ସୈଫ ଅଲ୍ଲୀ ଖାନଙ୍କୁ ଛୁରାମାଡ ଘଟଣା। ମୁଖ୍ୟ ଅଭିଯୁକ୍ତ ବିଜୟ ଦାସକୁ ଗିରଫ କଲା ବାନ୍ଦ୍ରା ପୁଲିସ୍ । ସୂଚନା ମୂତାବକ ଗତ ୧୬ ତାରିଖରେ ଜଣେ ବ୍ୟକ୍ତି ଅଭିନେତା ସୈଫ୍ ଅଲ୍ଲୀ ଖାନ୍ ଏବଂ କରୀନା କପୁରଙ୍କ ଘରେ ପଶି ଅଭିନେତାଙ୍କୁ ଛୁରୀରେ ଆକ୍ରମଣ କରିଥିଲା। ଏବଂ ଘଟଣା ଘଟିବା ପରେ ଫେରାର୍ ହୋଇଯାଇଥିଲା। ଫଳରେ ଅଭିନେତା ସୈଫ୍ ଗୁରୁତର ହୋଇଥିଲେ। ତାଙ୍କୁ ତୁରନ୍ତ ଉଦ୍ଧାର କରାଯାଇ ଲୀଳାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା। ବର୍ତ୍ତମାନ୍ ସେ ସୁସ୍ଥ ଥିବା ଜଣାପଡିଛି। ଘଟଣା ଘଟିବାର ୩ ଦିନ ପରେ ପୁଲିସ୍ ଅଭିଯୁକ୍ତକୁ ଥାଣେରୁ ଗିରଫ କରିଛି। ଅଭିଯୁକ୍ତର ଘର ପଶ୍ଚିମବଙ୍ଗରେ ବୋଲି ସୂଚନା ମିଳିଛି। ଅଭିଯୁକ୍ତ ବିଜୟ ଦାସ ନାଁ ବଦଳାଇ ମୁମ୍ବାଇରେ ରହୁଥିଲା। ଏକ ରେଷ୍ଟୁରାଣ୍ଟରେ ସେ ସହାୟକ ଭାବରେ କାମ କରୁଥିଲା। ମେଟ୍ରୋ ପାଇଁ କାମ ଚାଲୁଥିବା କନଷ୍ଟ୍ରକ୍ସନ୍ ଲେବର କ୍ୟାମ୍ପରେ ଲୁଚିଥିଲା।
