ଚୋରି ଅଟକାଇବାରୁ ସର୍ବସାଧାରଣରେ ଲୋକପ୍ରିୟ ଅଭିନେତାଙ୍କୁ ଗୁଳି କରି ହତ୍ୟା

ଚୋରି ଅଟକାଇବାରୁ ସର୍ବସାଧାରଣରେ ଲୋକପ୍ରିୟ ଅଭିନେତାଙ୍କୁ ଗୁଳି କରି ହତ୍ୟା

ନୂଆଦିଲ୍ଲୀ:: ଆମେରିକୀୟ ଅଭିନେତାଙ୍କୁ ଲସ ଏଞ୍ଜେଲସ ଠାରେ ସର୍ବସାଧାରଣରେ ଗୁଳି କରି ହତ୍ୟା କରାଯାଇଛି। ମୃତ ଅଭିନେତାଙ୍କ ନାମ ଜନି ଓ୍ବାକ୍ଟର ବୋଲି ଜଣାପଡ଼ିଛି।

୩୭ବର୍ଷୀୟ ଓ୍ବାକ୍ଟରଙ୍କ ମା’  ଅଭିନେତା ପୁଅଙ୍କ ମୃତ୍ୟୁକୁ ନିଶ୍ଚିତ କରି କହିଛନ୍ତି, ଗତ ଶନିବାର ସକାଳେ ଓ୍ବାକ୍ଟର ଓ ତ‌ାଙ୍କ ଜଣେ ସାଙ୍ଗ ତିନିଜଣ ଯୁବକଙ୍କୁ କାରର କ୍ୟାଟେଲିଟିକ କନଭର୍ଟର ଚୋରି କରୁଥିବା ଦେଖିବାକୁ ପାଇଥିଲେ। ଏହାପରେ ଦୁହେଁ ଖୁବ ଭଦ୍ର ଭାବେ ତିନିଜଣଙ୍କୁ ଏହି ଚୋରି କରିବାକୁ ମନା କରିଥିଲେ।

ଏହାସତ୍ତ୍ବେ ବି ଚୋରମାନେ ରାଗି ଯାଇ ଓ୍ବାକ୍ଟରଙ୍କ ଉପରକୁ ଗୁଳି କରିଥିଲେ। ଗୁରୁତର ଅବସ୍ଥାରେ ଅଭିନେତାଙ୍କ ସହ ଥିବା ସାଙ୍ଗ ୱାକ୍ଟରଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରି ଘରକୁ ଖବର ଦେଇଥି‌ଲେ। କିନ୍ତୁ ଦୁଃଖର ବିଷୟ ଡାକ୍ତର ଅନେକ ଚେଷ୍ଟା ପରେ ବି ୱାକ୍ଟରଙ୍କୁ ବଞ୍ଚାଇ ପାରିଲେ ନାହିଁ।’

ଓ୍ବାକ୍ଟର ତାଙ୍କ କ୍ୟାରିୟରରେ ସାଇବେରିଆ ଆଣ୍ଡ୍‌ କ୍ରିମିନାଲ୍‌ ମାଇଣ୍ଡସ୍‌, ଆର୍ମି ୱିଭସ, ଦ ଓଏ, ହଲିଉଡ ଗର୍ଲ ଏବଂ ୱେଷ୍ଟୱଲର୍‌ଡ ଭଳି ପ୍ରୋଜେକ୍ଟରେ ଅଭିନୟ କରିଥିଲେ। ତାଙ୍କ ଅଭିନୟ ଦେଖିବା ପାଇଁ ଥିଏଟରରେ ଦର୍ଶକଙ୍କ ଭିଡ଼ ଜମିଥାଏ।

ଓାକ୍ଟର ଜଣେ ଅଭିନେତା ହେବା ସହିତ ଭଲ ମଣିଷ ଥିଲେ। ସେ କେବେ କାହାରି ଦୁଃଖ ଦେଖି ପାରନ୍ତି ନାହିଁ। ଆଜି ପର୍ଯ୍ୟନ୍ତି ସାମ୍ନାଲୋକଙ୍କୁ ସେ କେବେ‌ ବି ଉଚ୍ଚ ସ୍ବରରେ ଜବାବ ଦେଇ ନଥିବା ଅଭିନେତାଙ୍କ ସହ କାମ କରୁଥିବା କଳାକାରମାନେ ପ୍ରତିକ୍ରିୟା ଦେଇ କହିଛନ୍ତି।