୬୭୪ କର୍ମଚାରୀଙ୍କ ପୋଷ୍ଟାଲ ବ୍ୟାଲଟ ମାଧ୍ୟମରେ ମତଦାନ

ଆଠଗଡ: ଆଠଗଡରେ ୧୪ତାରିଖରୁ ଏଠାରେ ୫ଦିନ ଧରି ନିର୍ବାଚନରେ ନିୟୋଜିତ ଅଧିକାରୀ ଓ କର୍ମଚାରୀମାନଙ୍କୁ ତାଲିମ ପ୍ରଦାନ କରିବା ଅବସରରେ ସେମାନଙ୍କର ପୋଷ୍ଟାଲ ଭୋଟ ଗ୍ରହଣ କରାଯାଇଛି। ଏହି ୫ଦିନ ମଧ୍ୟରେ ୬୭୪ଜଣ ନିର୍ବାଚନରେ ନିୟୋଜିତ କର୍ମଚାରୀ ଉଭୟ ବିଧାନସଭା ଓ ଲୋକସଭା ନିର୍ବାଚନ ପାଇଁ ସେମାନଙ୍କର ମତଦାନ କରିଛନ୍ତି। ଏଥିରେ ସେମାନେ ବିଭିନ୍ନ ନିର୍ବାଚନ ମଣ୍ଡଳୀ ପାଇଁ ମତଦାନ କରିଥିବାବେଳେ ସେମାନଙ୍କର ଭୋଟ ଜଉମୁଦ ଲଫାପାରେ ସଂପୃକ୍ତ ନିର୍ବାଚନ ମଣ୍ଡଳିର ନିର୍ବାଚନ ଅଧିକାରୀଙ୍କ ନିକଟକୁ ପଠାଇବାର ବ୍ୟବସ୍ଥା କରାଯାଇଛି।